प्रतिनिधिसभा बैठक जारी, प्रधानमन्त्रीले विश्वासको मत लिँदै

२६ पुष, काठमाडौं । प्रतिनिधिसभाको दोस्रो दिनको बैठक नयाँ बानेश्वरस्थित संसद भवनमा चलिरहेको छ । बैठकमा प्रधानमन्त्री पुष्पकमल दाहाल ‘प्रचण्ड’ले संसदबाट विश्वासको मत लिने प्रक्रियाका लागि मत माग्दै सम्बोधन गरिरहेका छन् ।

उनले आफूले प्रधानमन्त्रीमा विश्वासको मत पाएमा नेपाललाई विश्वको मानचित्रमा विकास, समृद्धि र मानवअधिकार तथा स्वतन्त्रको मानक बनाउन भरपूर प्रयास निरन्तर रहने बताएका छन् । उनले आमूल सुधारबाट मुलुकबाट गरिबी हटाएर दोहोर अंकमा आर्थिक वृद्धि दरमा पर्याउने अटोठ व्यक्त गरे ।

यस्तै व्यवसायीका लागि सहजरुपमा लगानी उप्लब्ध गराउने र रोजगारका लागि विदेश पलायन भइरहेको युवा शक्तिलाई नेपालभित्रै टिकाउने काममा लाग्ने बताए । उनले आफ्नै कार्यकालमा विगतका दैनिक २० घण्टासम्म लोडसेडिङलाई हटाएको स्मरण गराउँदै यसअघिका आफ्नो कार्यकालमा भएका गौरवपूर्ण विकास मध्यपहाडी लोकमार्गको निर्माणले निरन्तर पाइरहेको भन्दै त्यसलाई पूर्णता दिने बताए ।