निर्मला पन्त र नवराज विकले न्याय नपाएसम्म लोकतान्त्रिक व्यवस्थामाथि प्रश्न उठिरहन्छः सांसद परियार

२६ पुष, काठमाडौं । राष्ट्रिय स्वतन्त्र पार्टी (रास्वपा)का सांसद सन्तोष परियारले बलात्कारपछि हत्या गरिएकी निर्मला पन्त र जातीय विभेदका आधारमा हत्या गरिएका नवराज विकले लोकतन्त्रको व्यवहारिक कार्यान्वयन नहुने बताएका छन् । मंगलबार प्तिनिधिसभाको बैठकमा दलको तर्फबाट सम्बोधन गथर्दै उनले लोकतन्त्रलाई प्रक्रिया मात्र अपनाएर व्यवस्थाको रक्षा हुन नसक्ने बताए ।

प्रतिनिधिसभाको जारी बैठकमा प्रधानमन्त्री पुष्पकमल दाहाल प्रचण्डले आफूलाई विश्वासको मत दिन प्रस्ताव राखेका छन् । सो प्रस्तावमाथि उनले आफ्नो दलले विश्वासको मत दिने जानकारी दिए ।

गृहमन्त्री रबि लामिछनेले हत्याका हत्याराहरुको खोजी गर्ने र दोषीलाई कारबाहीको दायरामा ल्याउन सुरु गरेको काममार्ला टुंगोमा पुर्याउन पनि आग्रह गरे ।

आफूहरुलाई जनताले चुनाव जित्न मात्र नभई सरकारमा गएर जनताको न्याय र अधिकार तथा देशको पक्षमा नीति, कानून बनाउन पठाएको भन्दै त्यसलाई पूरा गरेरै छाड्ने अटोठ व्यक्त गरे ।

देशका जनशक्तिलाई विदेशमा मजदुरीको रुपमा नभएर भ्रमणका लागि पर्यटक बनेर जान सक्ने बनाउनुपर्नेमा जोड दिए । समाजमा नकारात्मक कुरामात्र भएकाले अब सम्भावनाको खोजी गर्नुपर्ने बताए ।

कञ्चनपुरकी १२ वर्षीया बालिका पन्तको २०७५ मा घरनजिकै बलात्कारपछि हत्या गरिएको र रुकुम पश्चिमको चौरजहारी नगरपालिका–८ राना गाउँका नवराज विक प्रेमिका लिन जाँदा ठकुरी परिवारको उक्साहटमा गाउँले मिलेर नवराजसहित ६ जनाको निर्मम तरिकाले हत्या गरिएको थियो । अहिलेसम्म पन्त र विकका हत्यारालाई कारवाही गर्न सकेकाे छैन ।