संसद विघटन गर्नेहरु कुर्लिएको देख्दा अचम्म लाग्छ : माधव नेपाल

२६ पुष, काठमाडौं । नेकपा (एकीकृत समाजवादी)का अध्यक्ष माधवकुमार नेपालले संसद् विघटनको अधिकार प्रधानमन्त्रीमा नरहेको बताएका छन् ।

मंगलबार संसद बैठकमा सम्बोधन गर्ने क्रममा उनले संसद विघटन गर्नेहरु संसदमा ठूलो स्वरमा कुुर्लिएको देख्दा अचम्म लागेको बताए ।

उनले एमाले अध्यक्ष केपी ओलीले संसद् विघटन गरेर नयाँ जनादेशमा जानु जायज भनेर दिएको भनाइको उनले घुमाउरो तरिकाले विरोध गरे ।

अहिलेको संविधानले प्रधानमन्त्रीलाई संसद विघटन गर्ने अधिकार नदिएको उनको जिकिर छ । राम्रो काम गर्ने बेलासम्म समर्थन दिने भन्दै आज विश्वासको मत दिने बताए ।

उनले भ्रष्टाचार विकेन्द्रीकरण भएर पालिका पालिकामा करोडौंका मालिक जन्मेको र स्वास्थ्य शिक्षालाई सम्पूर्ण जनताको पहुँचमा पुर्याउन आग्रह गरे ।