प्रधानमन्त्री प्रचण्डले पाए विश्वासको मत, प्रस्तावकाे पक्षमा २६८ र विपक्षमा जम्मा २ मत

२६ पुष, काठमाडौं । मंगलबार प्रतिनिधिसभाको बैठकमा प्रधानमन्त्री प्रचण्डले विश्वासको मत पाएका छन् । उनले पेश गरेको विश्वासको मत लिने प्रस्तावको पक्षमा २६८ र विपक्ष २ मत परेको छ । मत दिन्न भन्ने पक्षमा मत नै परेन ।

राष्ट्रिय जनमोर्चाका चित्रबहादुर केसी र नेपाल मजदपुर किसान पार्टीका सांसद प्रेम सुवालले विपक्षमा मत दिएका छन् । नेपाली कांग्रेसका सांसद टेकबहादुर गुरुङ भ्रष्टाचारी मुद्दामा र एमालेका लक्ष्मी प्रसाद महतो कोइरी कर्तव्य ज्यान मुद्दा खेपिरहेका कारण निलम्बनमा छन् । बाँकी एक जना पशुपति शमसेर जारी संसदका सबैभन्दा ज्येष्ठ सदस्य भएका कारण बैठकमा अध्यक्षको भूमिकामा छन् । स्वतन्त्र सांसद याेगेन्द्र मण्डल तटस्थ बसे ।