माओवादी केन्दले बनायो भीम भण्डारीलाई सुदूरपश्चिम सभामुखको उम्मेदवार

२७ पुष, धनगढी । नेकपा (माओवादी केन्द्र)ले सुदूरपश्चिम प्रदेशमा भीम भण्डारीलाई उम्मेदवार बनाएको छ । उनले बुधबार सभामुखका लागि उम्मेदवारी दर्ता गरेका छन् ।

भण्डारीको प्रस्तावकमा माओवादी केन्द्रकी गीतादेवी माल र समर्थकमा नेकपा (एमाले)की जानकी बम ऐर छन् ।
एमाले र माओवादी केन्द्रसहितका सत्ता गठबन्धनबीच सुदूरपश्चिमको सभामुख माओवादी केन्द्रले लिने सहमति भएको छ ।

नेपाली कांग्रेसले भने सुदूरपश्चिम प्रदेश सभाका ज्येष्ठ सदस्य मानहादुर रावललाई सभामुखको उम्मेदवार बनाएको छ ।
सभामुख चयनका लागि सुदूरपश्चिममा भोलि बिहीबार मतदान हुने छ ।