राप्रपाका महामन्त्री पाठक सत्तागठबन्धनबाट बाग्मतीमा सभामुखको उम्मेदवार बनाइँदै

२७ पुष, काठमाडौं । राप्रपा प्रदेश सांसद भुवन पाठकलाई बागमती प्रदेशसभाको सभामुखमा सत्तारुढ गठबन्धनले उम्मेदवार बनाउने निश्चित भएको । पाठक राप्रपाका महामन्त्री हुन् ।

राप्रपाले बुधबारको बैठकबाट उनलाई सभामुखको उम्मेदवार बनाउने टुंगो लगाएको जनाइएको छ । सत्तारुढ दलहरुबीच मुख्य पदहरु भागवण्डा हुँदा बागमतीमा सभामुख राप्रपाले लिने सहमति भएको थियो ।

बागमती प्रदेशसभामा सभामुखको निर्वाचन भोलि बिहीबार हुँदैछ । बाग्मतीमा ११० सिट छन् । सामान्य बहुमतबाट सभामुख निर्वाचित गरिनेछ ।