एमालेका राजेन्द्र रावल बने सुदूरपश्चिम प्रदेशका मुख्यमन्त्री

२७ पुष कैलाली । सुदूरपश्चिम प्रदेशको मुख्यमन्त्रीमा सत्तारुढ दल नेकपा (एमालेका राजेन्द्र रावल नियुक्त भएका छन् ।

प्रदेश प्रमुख देवराज जोशीले एमालेका संसदीय दलका नेता रावललाई बुधबार संविधानको धारा १६८ को उपधारा (२) बमोजिम मुख्यमन्त्रीमा नियुक्त गरेका हुन् ।

रावललाई नेकपा माओवादी केन्द्र, नागरिक उन्मुक्ति पार्टी र राप्रपाको समर्थन छ । उनी कञ्चनपुरबाट एमालेबाट समानुपातिक प्रणालीमा प्रदेशसभा सांसद बनेका थिए ।

सत्तारूढ गठबन्धनको एक घटक नागरिक उन्मुक्ति पार्टीले निर्णय लिन ढिला गरेका कारण उनको नियुक्तिमा पनि ढिलाई भएको हो । रावलले बुधबार बिहानै मुख्यमन्त्रीमा दाबी पेश गर्ने कार्यक्रम रहेपनि साँझपख मात्र संभव भएको हो ।