प्रदेश १ को सभामुखमा माओवादी केन्द्रका गौतम निर्विरोध निर्वाचित

२८ पुष, विराटनगर । प्रदेश १ को सभामुख नेकपा (माओवादी केन्द्र)ले हात पारेको छ । बिहीबार बसेको प्रदेशसभाको बैठकबाट माओवादी केन्द्रका सांसद बाबुराम गौतम निर्विरोध निर्वाचित भएका हुन् । बिहीबार बसेको बैठकमा सभाका जेष्ठ सदस्य गयानन्द मण्डलले गौतम निर्विरोध निर्वाचित भएको घोषणा गरेका हुन् ।

सभामुख गौतम ओखलढुंगाको प्रदेशसभा २ बा प्रादेश सांसद निर्वाचित भएका हुन् । उनको उम्मेदवारमिा नेकपा एमालेका रेवतिरमण भण्डारी प्रस्तावक र नारायणबहादुर मगर लगायत समर्थक थिए । प्रमुख प्रतिपक्षी नेपाली कांग्रेसले सभामुखमा उम्मेदवारी नै दिएन ।

प्रदेश १ को उपसभामुखको निर्वाचन भने पुस ३० गतेका लागि तोकिएको छ । एमालेबाट उदयपुरकी सिर्जना दनुवार, भोजपुरकी सिर्जना राई, मोरङकी मालती सुब्बा उपसभामुखको दावेदार छन् । उपसभामुखको निर्वाचनका लागि मनोनयन दर्ता आज हुँदैछ ।