कर्णाली प्रदेशमा मुख्यमन्त्रीसहित थप ३ मन्त्रीले शपथ लिँदै

२८ पुष, सुर्खेत । कर्णाली प्रदेशका नवनियुक्त मुख्यमन्त्री राजकुमार शर्मासहित थप ३ जना मन्त्रीले बिहीबार पद तथा गोपनीयता शपथ लिँदैछन् । बिहीबार अपरान्ह ३ बजे प्रदेश प्रमुख तिलक परियारबाट उनीहरु पद तथा गोपनीयताको शपथ लिने कार्यक्रम रहेको छ ।

मुख्यमन्त्री शर्मालाई मुख्यमन्त्री तिलक परियारले बुधबार मात्र नियुक्त गरेका थिए ।

माओवादी केन्द्रको प्रदेश ईन्चार्ज कालीबहादुर मल्लका अनुसार माओवादी केन्द्रबाट २ र एमालेबाट १ जना मन्त्रीले बिहीबार शपथ लिनेछन् । मन्त्रालय तोक्ने विषयमा छलफल सुरु भएको छ ।

यहाँ माओवादी केन्द्र र एमालेबीच पाँच वर्षे कार्यकाल आधा आधा समय आलोपालोमा सरकार चलाउने सहमति भइसकेको छ ।