बागमतीको सभामुखमा कांग्रेसका शिवराज र नेमकिपाकी सृजनाकाे उम्मेदवारी

२८ पुष, हेटौंडा । बागमती प्रदेशको सभामुखका लागि नेपाल मजदुर किसान पार्टी (नेमकिपा)की सांसद सृजना सायजुले उम्‍मेदवारी दिएकी छन् ।

उनले संविधानको धारा १८२ एवं प्रदेश सभा नियमावली (पहिलो संशोधन), २०७४ को नियम ७को उपनियम (२) बमोजिम बागमती प्रदेश सभाको सभामुख पदमा पहिलो नम्बरमै बिहीबार उम्‍मेदवारी दर्ता गराएकी हुन् ।

सायजुलाई नेमकिपाका सांसद सुरेन्द्र राज गोसाइँ प्रस्तावक र गीता काफ्ले समर्थक बसेका छन् । सत्ता गठबन्धनबाट भने राप्रपाका भुवन पाठकलाई उम्मेदवार बनाउने प्रारम्भिक सहमति भएको बताइएको छ ।

यस्तै, प्रदेश सभामुख पदका लागि नेपाली कांग्रेसले उम्मेदवारी दर्ता गराएकाे छ । बिहीबार बिहान कांग्रेसका शिवराज अधिकारीले प्रदेशसभा सचिवालय हेटौंडामा उपस्थित भएर अधिकारीले सभामुख पदमा मनोनयन दर्ता गरेका छन् ।उनकाे कांग्रेसका सांसद कुन्दनराज काफ्ले प्रस्तावक र रामकृष्ण चित्रकार समर्थनक छन् ।

साेही पदका लागि सत्ता गठबन्धनले साझा उम्मेदवार उठाउने भएका छन् । केन्द्र सरकारका पहिलो घटक एमाले र दोस्रो घटक माओवादी केन्द्रबीच प्रदेशमा मुख्यमन्त्री लिने सभामुख त्याग्ने र सभामुख लिनेले मुख्यमन्त्री छाड्ने सहमति भएको छ । वाग्मतीमा माओवादी केन्द्रले मुख्यमन्त्री पाइसकेको छ । सभामुखका लागि चुनाव आज हुँदैछ । यो प्रदेशमा ११० सिट छन् । कांग्रेससँग माज्ञ ३७ सिट छन् ।