राप्रपाका भुवन पाठक बागमती प्रदेशकाे सभामुख बन्ने निश्चित

२८ पुष, हेटौंडा । राप्रपाका प्रदेश सांसद भुवन पाठक बागमती प्रदेशको सभामुख बन्ने निश्चितजस्तै भएको छ । उनले सत्ता गठबन्धन एमाल, माओवादी केन्द्रसहित दलहरुको समथृनमा आज सभामुखका लागि गउम्मेदवारी दर्ता गराएका छन् ।

उनले एमालेका सांसद जगन्नाथ थपलियाको प्रस्ताव र माओवादी केन्द्रका युवराज दुलाल ‘सरल’को समर्थनमा प्रदेशसभा सचिवालय हेटौंडामा उपस्थित भएर मनोनयन दर्ता गरेका हुन् । पाठक राप्रपाको कोटामा काठमाडौंबाट समानुपातिक सांसद चुनिएका हुन् ।

११० सदस्यीय बागमती प्रदेशसभामा राप्रपाको १३ जना सांसद छन् भने उनलाई सत्त गठबन्धनका ७ मध्ये ५ वटा दलहरुको समर्थन रहेको छ । उनको समर्थनमा रहेका दलहरु एमालेका २७, नेकपा (माओवादी केन्द्र)का २१, नेकपा (एकीकृत समाजवादी)का ७ र हाम्रो नेपाली पार्टीका २ जना गरी ७० सांसद छन् ।

सभामुख चयन आजै हुँदैछ । पाठकको प्रतिस्पर्धा नेपाली कांग्रेसका शिवराज अधिकारी र र नेमकिपाकी सिर्जना सायजुसँग हुनेछ । सायजु र अधिकारीले यसअघि नै उम्मेदवारी दर्ता गराइसकेका छन् ।

मुख्यमन्त्री भने यिनै दलहरूकाे समर्थनमा माओवादी केन्द्रमा शालिकराम जमकट्टेल निर्वाचित भइसकेका छन् ।