प्रभु साह र कर्णजित पार्टी एकता गर्न सहमत, नयाँ पार्टीको नाम आजपा रहने

२८ पुष, काठमाडौं । प्रभु साह नेतृत्वको आम जनता पार्टी (आजपा) र कर्णजीत बुढाथोकी ‘सुशिल’ नेतृत्वको नेपाल कम्युनिष्ट पार्टी (माओवादी समाजवादी)बीच पार्टी एकता हुने भएको छ ।

पार्टी एकतापछि नयाँ पार्टीको नाम भने आम जनता पार्टी नै रहने आजपाका प्रचार प्रसार विभाग उपप्रमुख निवेश यादवले जानकारी दिए । उनका अनुसार अग्रगामी शक्तिहरुको ध्रुवीकरणको रुपमा विभिन्न राजनीतिक दलहरुसँग एकताको अभियानमा आजपा लागेको हो । आजपा हालसालै गठन भएको पार्टी हो ।

एमालेबाट विद्रोह गरी रौतहट ३ बाट प्रतिनिधिसभा सदस्य ((सांसद) निर्वाचित भएकमा साह पूर्वमाओवादी नेता हुन् । अध्यक्ष बुढाथोकी पनि पूर्वमाओवादी नेता हुन् । तत्कालीन एकीकृत माओवादीका अध्यक्ष प्रचण्डले एमालेसँग पार्टी एकता गर्दा विद्रोह गरेर उनले माओवादी समाजवादी गठन गरेका थिए । बुढाथोकी हुम्लाका हुन् ।