बालुवाटारमा प्रधानमन्त्री प्रचण्ड र ओलीबीच शक्ति बाँडफाँटबारे छलफल

२८ पुष, काठमाडौं । प्रधानमन्त्री पुष्पकमल दाहाल ‘प्रचण्ड’ र सत्तासाझेदार दल एमाले अध्यक्ष केपी शर्मा ओलीबीच शक्ति बाँडफाँटबारे छलफल भएको छ ।

छलफलमा उनीहरुबीच मन्त्रिपरिषद् विस्तार, सभामुख र उपसभामुख चयनसहित शक्ति बाँडफाँटका विषयमा कुराकानी भएको जनाइएको छ । प्रचण्ड नेतृत्वको सरकारमा एमाले ठूलो सहयात्री दल हुन् ।

बधबार साँझ पनि ओली निवास भक्तपुरको बालकोटमा प्रधानमन्त्री प्रचण्ड र ओलीबीच छलफल भएको थियो । आज दिउँसो सत्ता साझेदार दलहरुबीच मन्त्रालय भागबण्डा लगायत विषयमा छलफल गर्ने भनिएपनि हुन सकेन । सरकारका तेस्रो घटक रास्वपा सभापति समेत रहेका उपप्रधानमन्त्री एवं गहृमन्त्री रबि लामिछाने बिहीबार बिहान चितवन पुगेका छन् ।

प्रतिनिधिसभाका सभामुखको निर्वाचन आगामी माघ ५ मा हुँदैछ । राष्ट्रपति र उपराष्ट्रपति निर्वाचन पनि बाँकी नै छ । प्रदेश प्रमुखबारे पनि छलफल भएको बताइन्छ ।