सुदूरपश्चिमका मुख्यमन्त्रीका दाबेदार खगराज भट्ट मन्त्री नियुक्त

२८ पुष, काठमाडौं । सुदूरपश्चिम प्रदेशमा मुख्यमन्त्रीका दाबेदार रहेका नेकपा (माओवादी केन्द्र)का प्रदेश सांसद खगराज भट्ट मन्त्रीमा नियुक्त भएका छन् । बुधबार मुख्यमन्त्रीमा नियुक्त भएका एमालेका राजेन्द्र सिंह रावलले प्रदेश प्रमुख देवराज जोशीसमक्ष आज शपथ लिएका छन् ।

उनीसँगै मन्त्री भट्टले शपथ लिएका छन् । एमाले कोटामा प्रदेश सांसद सन्तोषी शर्मा पनि मन्त्रीको शपथ लिएका छन् ।
सुदुरपश्चिममा सत्ता गठबन्धनका मुख्य दुई दल एमाले र माओवादी केन्द्रबी भएको आलोपालोमा पहिलो मुख्यमन्त्री एमालेको भागमा गरेपछि भट्ट मन्त्री नै बन्न तयार भएका हुन् ।

खगराज एमाले नेता लेखराज भट्टका भाइ हुन् । उनी डडेल्धुरा ‘क’बाट निर्वाचित सांसद हुन् । सशस्त्र द्वन्द्वका नेता समेत रहेका लेखराज नेकपा विघटन हुँदा माओवादी केन्द्रमा नफर्किइ एमाले बनेका हुन् ।