सिद्धार्थ बैंक लिमिटेडको एक्काइसौं वार्षिक साधारण सम्पन्न

२८ पुष, काठमाडौं । सिद्धार्थ बैंक लिमिटेडको एक्काइसौं वार्षिक साधारण सम्पन्न भएको छ । बिहीबार काठमाडौं भद्रकालीस्थित आर्मी अफिसर्स क्लबमा बैंक संचालक समितिका अध्यक्ष मनोज कुमार केडियाको अध्यक्षतामा वार्षिक साधारण सम्पन्न भएको हो ।

साधारण सभाले समितिकाे प्रतिवेदन पारित गरेकाे छ । उक्त सभाले बोनस शेयर लगायतका प्रस्तावहरु पारित गरेको बैंकले जनाएकाे छ ।

साधारण सभाले बैंकको चुक्ता पूँजी रु. १२,५२,४४,२६,८३१ (अक्षरेपी बाह्र अर्ब बाउन्न करोड चौवालीस लाख छब्बीस हजार आठ सय एकतीस रुपैँया मात्र) को १२.५० प्रतिशत बराबर रु. १,५६,५५,५३,३५४  (अक्षरेपी एक अर्ब छपन्न करोड पचपन्न लाख त्रिपन्न हजार तीन सय चौवन्न रुपैंया मात्र) बोनस शेयर तथा ०.६६ प्रतिशत बराबर रु. ८,२३,९७,५४५ (अक्षरेपी आठ करोड तेईस लाख सन्तानब्बे हजार पाँच सय पैतालीस रुपैंया मात्र) को नगद लाभांश (बोनस शेयर कर प्रयोजनका लागि मात्र) प्रदान गर्ने लगायतका प्रस्तावहरु पारित गरेको छ ।