मेयर बालेनले मागे व्यक्तिगत सुरक्षाकर्मी

२९ पुष, काठमाडौं । काठमाडौं महानगरपालिकाका मेयर बालेन्द्र शाह ‘बालेन’ले आफूमाथि सुरक्षा खतरा बढेको बन्दै व्यक्तिगत सुरक्षाकर्मी (पिएसओ) माग गरेका छन् ।

जिल्ला प्रशासन कार्यालय काठमाडौंमा निवेदन दिँदै शाहले सुरक्षाकर्मी माग गरेको काठमाडौंका प्रमुख जिल्ला अधिकारी घनश्याम उपाध्यायले पुष्टि गरे । निवेदनलाई गृह मन्त्रालयको शान्ति सुरक्षा महाशाखामा पठाएकाे उनले बताए । शान्ति सुरक्षा महाशाखाले निवेदन उपर जाँचबुझ गरी आवश्यक निर्णय लिने उपाध्यायको उनकाे भनाइ छ ।

महानगरका मेयरको सुरक्षामा नगर प्रहरी खटिँदै आएपनि सुरक्षा थ्रेट बढेको जनाउँदै नेपाल प्रहरीको सुरक्षा माग गरिएको हो ।

काठमाडौं महानगरभित्र फुटपाथका व्यापारी हटाउने र सरकारी जग्गामा अवैध बसोबार गर्दै आइरहेकाहरुलाई हटाउने कामलाई अभियानकै रुपमा अगाडि बढाएदेखि मेयर बालेनलाई सुरक्षा चुनौति बढेको महानगरको दाबी छ ।