मधेशका मुख्यमन्त्री यादवद्वारा पदभार ग्रहण, एक साताभित्र विश्वासको मत लिने

२९ पुष, काठमाडौं । मधेश प्रदेशका नवनियुक्त मुख्यमन्त्री सरोजकुमार यादवले पदभार ग्रहण गरेका छन् ।
शुक्रबार प्रदेश प्रमुख हरिशंकर मिश्रबाट पद तथा गोपनीयताको शपथ लिएपछि मुख्यमन्त्री तथा मन्त्रिपरिषदको कार्यालयमा पुगेर पदभार ग्रहण गरेका हुन् ।

उनी जनता समाजवादी पार्टीबाट मुख्यमन्त्री बनेका हुन् । प्रदेश सभामा जसपाकाे बलियाे संख्या रहेकाे छ । यहाँ जसपा र जनमत पार्टीबीच पाँच वर्षे कार्यकालमा आधाआधा समय सरकार चलाउने सहमति भएकाे छ ।

पदभार ग्रहण गर्दै उनले एक साता भित्र मन्त्रिपरिषद् विस्तार गर्ने र विश्वासको मत लिने बताए । उनले विधुतीय शासनको गुरुयोजना तयार गर्ने निर्णयमा गरेका हुन् । मुख्यमन्त्री यादवले आफ्नो कार्यालयमा सर्वसाधारणका लागि गुनासो पेटिका राख्ने बताए ।

शुक्रवार मुख्यमन्त्री यादवसहित चारजना मन्त्रीले शपथ ग्रहण गरेपनि उनीहरुको मन्त्रालय तोकिएको छैन । सत्तारुढ दलहरबीच मन्त्रालयको भागबण्डामा सहमति हुन नसक्दा प्रदेशमा समेत असर देखिन थालेका छन् ।