ओली र प्रधानमन्त्रीबीचको निरन्तर छलफलबारे चारदल बेखबर

३० पुष, काठमाडौं । नेकपा माओवादीका अध्यक्ष पुष्पकमल दाहाल प्रचण्डको नेतृत्वमा बनेको सरकारमा ६ दल सहभागि छन् । तर, मन्त्रिपरिषद् विस्तारसहितको विषयमा प्रधानमन्त्री प्रचण्ड र नेकपा एमाले अध्यक्ष केपी शर्मा ओलीबीच भइरहेका निरन्तर छलफलबारे उनीहरुलाई जानकारी छैन् । मन्त्रिपरिषद् विस्तार र मन्त्रालयको भागबण्डा मिलाउन भनेर भइरहेका छलफलमा सहभागि हुन सरकारमा जान आतुर दलहरु कुरिरहेका छन् ।

सत्ता गठबन्धनमा रहेका अरु दलहरुलाई प्रधानमन्त्री प्रचण्डले बोलाउन चाहिरहेपनि एमाले अध्यक्ष ओलीले विषयहरु सार्वजनिक हुने भन्दै अरुदललाई बोलाउन दिएका छैनन् । प्रधाानमन्त्री प्रचण्डले विश्वासको मत लिएकदेखि अध्यक्ष ओली र प्रधानमन्त्री प्रचण्ड निरन्तर छलफल गरिरहेका छन् । त्यसयता एक दिन प्रचण्ड बालकोटा पुगेका थिए भने बाँकी दिनका छलफलका लागि ओली बालुवाटार धाइरहेका छन । आज शसनिवार पनि अध्यक्ष ओली बालुवाटार पुगेका छन । तर, मिन्त्रीपरिषद विस्तारको खिचडी पाकेको छैन् ।

पुष १० गते प्रधानमन्त्रीमा नियुक्त भएका प्रचण्डसहित मन्त्रिपरिषद्का ८ सदस्यले पुस ११ गते शपथ ग्रहण गरेका थिए । ६ दलीय सत्ता गठबन्धनमा विश्वासको मत प्राप्त गरेपछि मन्त्रिपरिषद्लाई पूर्णता दिने सहमति भएको थियो । प्रधानमन्त्री प्रचण्डले मंगलबार विश्वासको मत प्राप्त गरेपनि मन्त्रालय बाँडफाँटको विषयमा एमाले र माओवादी केन्द्रबीच सहमति जुट्न सकेको छैन् । पहिले दुवै नेताहरुबीच सहमति भएपछि मात्रै गठबन्धनको बैठक बस्न भन्दै ओलीले प्याकेजको सहमतिमा हस्ताक्षर गराउने प्रयास गरिरहेका छन् ।

नेपाली कांग्रेसले प्रधानमन्त्री प्रचण्डलाई विश्वासको मत दिएपछि ओली उनीप्रति सशंकित छन् । उनलाई राष्ट्रपतिमा प्रधानमन्त्री प्रचण्डले धोका दिनसम्ने आशंका छ । ओली आफै राष्ट्रपतिको उमेदवार हुन चाहिरहेका छन् । तर, ओलीलाई राष्ट्रपपतिमा जानबाट रोक्ने प्रचण्डको रणनीति छ । यसैले पनि मन्त्रिपरिषद् विस्तारसहितको विषयमा प्रचण्ड र ओलीबीच दैनिक जस्तो भएका छलफल निष्कर्षमा पुग्न सकेका छैनन् ।

चारदललाई बाहिर राखेर भएरहेका प्रधानमन्त्री प्रचण्ड र अध्यक्ष ओलीबीच मन्त्रालय बाँडफाँटमा नै कुरा नमिलेको नेताहरु बताउाँछन् । ओली प्रचण्डसँग मन्त्रालय, राष्ट्रपति र उपराष्ट्रपति तथा सभामुख र उपसभामुखलगायतमा प्याकेजमै सहमति गर्ने पक्षमा छन् । यसका लागि प्रचण्ड र ओली अन्य सत्तासाझेदार दललाई छलफलमा आउन दिएका छैनन् ।