प्रधानमन्त्री प्रचण्डद्वारा यती एयरलाइन्सको जहाज दुर्घनाप्रति दुःख व्यक्त

१ माघ, काठमाडौं । प्रधानमन्त्री पुष्पकमल दाहाल ‘प्रचण्ड’ले आइतबार पोखरामा अकस्मात भएको यती एयरलाइन्सको जहाज दुर्घटनाप्रति दुःख व्यक्त गरेका छन् । प्रधानमन्त्री प्रचण्डले उद्धारका लागि जुट्न सबै पक्षसँंग आग्रह पनि गरेका छन् । काठमाडौंबाट ७२ यात्रु लिएर पोखराका लागि उडेको यती एयरलाइन्सको एएनसी एटीआर जहाज दुर्घटना भएको छ ।

उक्त त्रासदीपूर्ण दुर्घटनाप्रति दुख व्यक्त गर्दै प्रधानमन्त्री प्रचण्डले मन्त्रिपरिषदको आकस्मिक बैठकसमेत बोलाएका छन् । अहिले मन्त्रीपरिषदको बैठक चलिरहेको छ ।

दुर्घटनाप्रति प्रचण्डले दुख व्यक्त गर्दै प्रभावकारी उद्दारमा लाग्न गृह मन्त्रालय, सुरक्षाकर्मी, नेपाल सरकारका सम्पूर्ण निकायलाई निर्देशन दिएका छन् । दुर्घटनाको बिवरण बुझ्न प्रधानमन्त्री त्रिभुवन विमानस्थल पनि पुगेका थिए ।