सुदुरपश्चिम र मधेश प्रदेशसभाको कार्यसूची प्रभावित

२ माघ, धनगढी । सुदूरपश्चिम प्रदेशको सभामुख चयन गर्नका लागि आब्हान गरिएको बैठक स्थगित भएको छ । यसबाट सभामुख चयन गर्ने कार्यसूची प्रभावित हुन पुगेको छ ।

बैठक आज बिहान १० बजे बोलाइएको पोखरा विमान दुर्घटनामा राष्ट्रिय शोक मनाउन बैठक स्थगित गरिएको हो । सोमबार बिहान बसेको सर्वदलीय बैठकले आजको बैठक स्थगित गर्ने निर्णय गरेको हो ।

यस्तै, मधेश प्रदेशसभाको आजका लागि निर्धारित बैठक स्थगित गरिएको छ। विमान दुर्घटनाकाे शोक घोषणा भएकाले प्रदेशसभाको बैठक रोकिएको जनाइएकाे छ ।

आज प्रदेशसभामा सभामुख पदका लागि मतदान र मुख्यमन्त्री सरोजकुमार यादवले विश्वासको मत लिने कार्यसूची थियो ।

आइतबार बिहान काठमाडौंबाट पोखरा गइरहेको यति एयरको विमान पोखराको सेती नदीको खोंचमा दरर्घटना हुँदा विमान सवार सबै ७२ जनाकै ज्यान गएको थियो । दुर्घटनाको शोकमा सरकारले आज सार्वजनिक बिदाको घोषणा गरेको थियो ।