भागेश्वर चिनी मिलको दूषित पानीले माछा मर्न थाले

२ माघ, कैलाली । पुनर्वासको भागेश्वर चिनी मिलबाट निस्कने दूषित पानीले पुनर्वास नगरपालिका वडा नं. ५ र ७ का स्थानीय प्रभावित बनेका छन् ।

दुषित पानी कारण स्थानीयको स्वास्थ्यमा गम्भीर असल गर्न थालेको छ । वडा नम्बर ५ र ७ भएर बग्ने भगर नालामा चिनी मिलबाट आएने दूषित पानी मिसाइएको छ। यसले गर्दा परासन क्षेत्रमा बस्न कठिानाइ परेको छ । तत्काल बन्द नगरिए राम्रो परिणाम नआउने पीडितहरुले चेतावनी दिएका छन् । दुषित पानीको गन्ध गाउँभरि फैलिएको र मानव स्वास्थ्यमा असर देखिन थालेको परासनका स्थानीयले बताएका छन् ।

दुषित पानीले आफूहरुको स्वास्थ्यमा समस्या देखिएको र रातभर निदाउन समेत नसकेको उनीहरुको भनाइ छ । भगर नाला र दोदा नदीको दोभानभन्दा तल नदीमा रहेका माछा पनि धमाधम मर्ने गरेको स्थानीयले उनीहरु बताउका छन् । भगर नाला र दोदाको दोभानमा झण्डै २ किलोको माछा भगर नालाको पानीका मरेको अवस्थामा भेटिएको छ ।

हरेक वर्ष मिल सञ्चालन हुनासाथ बस्तीमा दुर्गन्धले हैरानी खेप्नु परेको वडा नम्बर ७ का वडा अध्यक्ष मुलचन्द रानाले बताए ।