सुदूरपश्चिम प्रदेशका नवनिर्वाचित सभामुख भण्डारीले लिए शपथ

३ माघ, धनगढी । सुदूरपश्चिम प्रदेशसभाका सभामुख भीमबहादुर भण्डारीले शपथ लिएका छन् । मंगलबार दिउँसो १ बजे प्रदेश प्रमुख कार्यालयमा प्रदेश प्रमुख देवराज जोशीले भण्डारीलाई पद तथा गोपनीयताको शपथ गराएका हुन् ।

भण्डारी मंगलबार बिहान १० बजे बसेको प्रदेश सभाको बैठकबाट भएको निर्वाचनबाट निर्वाचित विजयी भएका हुन् । आज नै प्रदेश सभाको उपसभामुखका लागि निर्वाचन हुने तयारी छ ।

उपसभामुख नागरिक उन्मुक्ति पार्टीको भागमा परेको छ । नागरिक उन्मुक्तिले भने आफ्नो माग पूरा नभएसम्म तत्काल सरकारमा सहभागी नहुने बताउँदै आएको उसले उपसभामुखमा उम्मेदवार नठाउने सुदूरपश्चिम संसदीय दलका नेता रामेश्वर चौधरीले बताए ।

नागरिक उन्मुक्तिले उपसभामुख नलिए उपभामुखका लागि उम्मेदवार बनाउने तयारी एमालृेको छ।
सभामुखको अध्यक्षतामा सर्वदलीय बैठकले उपसभामुखको निर्वाचनसम्बन्धी कार्यतालिका तयार पार्नेछ ।