न्यायाधीश भुवन गिरीलाई पक्राउको माग गर्दै श्रीमतीद्वारा सर्वोच्च परिसरमा प्रदर्शन

३ माघ, काठमाडौं । कपिलवस्तु जिल्ला अदालतका न्यायाधीश भुवन गिरीलाई पक्राउ गरी कारबाही प्रक्रिया अगाडि बढाउन माग गर्दै सर्वोच्च अदालत परिसरमा उनकी श्रीमती आरतीले विरोध प्रदर्शन गरेकी छन् ।

न्यायाधीश गिरीकी श्रीमती आरती गिरी रावलले भने अपराधीलाई कारबाही नगरी न्यायालयको कुर्सीमा राखिरहेको भन्दै तत्काल पक्राउ गरी कारबाही प्रक्रिया अघि बढाउन माग गरिन् । आरतीले कालो पोशाकमा सर्वोच्चको मुख्य गेटमा मंगलबार कार्यालय समय सुरुभएसँगै न्यायापरिषदविरुद्ध नारा लगाए ।

जिल्ला प्रहरी कार्यालय कपिलवस्तुमा न्यायाधीश गिरीमाथि वैवाहिक बलात्कार र घरेलु हिंसाको किटानी जाहेरी परेको छ । उनीमाथि कारबाही प्रक्रिया अघि नबढेको भन्दै पीडित महिलाले मंगलवार सर्वोच्च अदालत अगाडि कालो कपडा लगाएर कपाल फाल्दै प्रदर्शन गरेका हुन् ।

प्रदर्शनस्थलमा रहेकी अर्का प्रदर्शनकारी बिनु यादवले आफूहरु धेरै पटक न्यायपरिषद्मा गएपनि मुद्दा दर्ता नगरेको र पीडितका कुराहरु सुनुवाइ नभएको बताइन् । उनले आफू काका ससुराबाट बलात्कार प्रयासको हिंसामा पर्दै आइरहेको बताइन् । माग सुनुवाई नगरे विरोध प्रदर्शनलाई अघि बढाइरहने चेतावनी दिइन् । मीले न्याय कसरी पाउने रु आत्मदाह नै गर्नुपर्ने हो कि ?,’ यादवले भनिन् । उनले न्यायाधीश नै बिकाऊ भए पछि आफूहरूले जहाँ गए पनि न्याय नपाएको गुनासो गरिन् ।

यस्तै अर्की प्रदर्शन गर्न पुगेकी कृतिका यादवले नेपालको न्यायालयमा न्यायाधीश नै बिक्ने गरेको आरोप लगाए । उनले आरोपित गिरीको कम्प्लेन नै न्याय परिषद्ले लिन नमानेको बताइन् । आरतीले न्यायालयप्रति विश्वास घटेको बताइन् । ‘न्यायापरिषद थुइक्क’ गरिन् ।

उनीहरूलाइ प्रहरीले गिरफ्तार गरी लगेकाे छ । यसअघि श्रीमानबाट हिंसामा परेकामा न्याय नमिलेकाे भन्दै सर्वाेच्च अगाडि राताे रंग छ्यापेर पीडितहरूले विराेध प्रदर्शन गरेका थिए ।