दुई मन्त्रालय अझै प्रधानमन्त्रीसँगै, केही दिन जसपा र लोसपाको बाटो हेर्ने

३ माघ, काठमाडौं । प्रधानमन्त्री पुष्पकमल दाहाल ‘प्रचण्ड’ले दुई मन्त्रालय आफूसँगै राखेका छन् । प्रधानमन्त्री प्रचण्डले वन तथा वातावरण, युवा तथा खेलकुद मन्त्रालय आफूसँगै राखेका हुन् ।

मंगलबार भएको मन्त्रिपरिषद् विस्तारबाट मन्त्री र राज्यमन्त्री गरी २३ जनाले मन्त्रालय सम्हालेका छन् । नवनियुक्त मन्त्रीहरुले आज पद तथा गोपनीयताको शपथ लिएका छन् ।

सरकारमा नेकपा एमाले, माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनमत पार्टी छन् । सरकारलाई विश्वासको दिएका जसपा र लोसपाले सरकारमा जाने या नजानेबारे निर्णय लिन सकेको छैन ।

प्रधानमन्त्रीले उनीहरुको निर्णय नआएसम्म बाँकी रहेका मन्त्रालय आफैंसँग राख्ने भएका छन् ।