मुख्यमन्त्री जम्कट्टेललाई विश्वासको मत दिन जारी निर्देशनप्रति कांग्रेसभित्र असन्तुष्टी बढ्दै

३ माघ , काठमाडौं । बागमती प्रदेशको मुख्यमन्त्री बनेका शालिकराम जमकट्टेललाई विश्वासको मत दिने प्रदेश पार्टी कमिटीको निर्णयमा कांग्रेसभित्र असन्तुष्टी बढ्दै गएको छ ।

पाटींको बाग्मती प्रदेश कार्य सम्पादन समितिले आजै मात्र मुख्यमन्त्रीलाई विश्वासको मत दिन निर्देशन दिएको हो । तर निर्णयप्रति ६ जना प्रदेश सांसदले असहमति राखेका छन् ।

कार्यसम्पादन समितिले बहुमतको आधारमा विश्वासको मत दिने निर्णय गरेको थियो । उक्त निर्णय आफूहरुलाई अमान्य भएकाले संसदीय दलको बैठकमा फरक मत राखेको कांग्रेस सांसद श्रीराम लामिछानेले जानकारी दिएका छन् ।

लामिछाने, छिरिङ दोर्जे लामा, सुरजचन्द्र लामिछाने, सुरेश श्रेष्ठ, शान्ता ढकाल र क्षेत्रबहादुर बम्जनले विश्वासको मत दिन नहुने मत राखेका हुन् ।

नवनियुक्त मुख्यमन्त्री जमकट्टेलले प्रदेश सभामा आज विश्वासको मत लिँदैछन् । केन्द्रमा बनेको सत्ता साझेदार दलले बागमतीमा सरकार बनाएका छन् । एमाले र राप्रपा सरकारमा सहभागी भएका छन् ।