सभामुख चयनमा चुनावले दिएको सन्देश कार्यावन्यन गरौंः नेम्वाङ

५ माघ, काठमाडौं । नेकपा एमाले सांसद सुवास नेम्बाङले सभाामुख चयनमा एकताको सन्देश कार्यान्वयन हुनेपर्ने बताएका छन् । उनले गत मंसिरको चुनावले दलहरुलाई मिलेर अघि बढ्ने सन्देश दिएकाले सभामुख चयनलाई त्यो सन्देश कार्यान्वयन गर्ने अवसरको रुपमा प्रयोग गर्ने आग्रह गरेका छन् ।

प्रतिनिधिसभामा सभामुख पदका लागि एमालेबाट उम्मेदवारी दिएका देवराज घिमिरेको प्रस्ताव गर्दै नेम्बाङले सदनलाई एकजुट बनाएर लैजान सबैको भूमिका हुने उल्लेख गरे । उनले भने, ’जनताद्वारा जनताको लागि यही ऐतिहासिक ठाउँमा जनताको संविधान बनायौं । यो संविधान अन्तर्गत भएको भर्खरैको चुनावले दलहरुलाई स्वस्थ प्रतिस्पर्धा र एक अर्कालाई मिलेर अघि बढ भन्ने सन्देश दिएको छ । त्यही सन्देश अनुसार काम गर्नका लागि हामी प्रतिनिधिसभाको सभामुख चयन गर्ने सन्दर्भमा जुटेका छौं ।’

उनले प्रतिनिधिसभालाई जवाफदेहिता र पारदर्शिता काय गर्नुपर्ने बताए । ’यो सिंगो प्रतिनिधि सभालाई एकजुट बनाएर निष्पक्ष समामुखको भूमिका निर्वाह गर्न सक्नुपर्छ,’ नेम्बाङले भने । उनले प्रधानमन्त्री प्रचण्डलाई दिएको विस्वासतको मतका आधारमा पनि सभामुख चयनमा एकता हुनसके उत्तम हुने बताए ।