अभियुक्त कोइरी समात्न नसक्ने गृहमन्त्रीले किन राजीनामा नदिने ?

५ माघ, काठमाडौं । बिहीबार सभामुख चयन गर्न बसेको प्रतिनिधिसभाको बैठकमा नेकपा एमालेका तर्फबाट प्रतिनिधिसभामा निर्वाचित भएका सांसद लक्ष्मी कोइरीबारे प्रश्न उठ्यो, ‘नेपाल प्रहरीले व्यक्ति हत्या गरेर फरार रहेको भनेर खोजि गरिहेका व्यक्ति संसदमा कसरी उपस्थित भए ? हत्या अभियोगमा प्रहरीको खोजी सूचीमा रहेका कोइरी र उपप्रधान तथा गृहमन्त्री प्रतिनिधिसभाको बैठकमा संगै कसरी बसे । उनी बैठकमा सँगै बस्ता प्रहरीले किन देखेन ? गृहमन्त्रीले किन देखेनन् ।’

सरकारमा सहभागि हुन अघिसम्म रवि लामिछानेले सरकार र संसदप्रति दिएका अभिव्यक्तिहरु उनको चुनाव चित्ने कारण बनेका थिए । जनतालाई सुशासन दिने विषयमा खरो रुपमा उत्रिएका तीनै लामिछाने अहिले नेपाल सरकारको उपप्रधान तथा गृहमन्त्री छन् । यीने लामिछाने हुन जनतासामू भोट माग्दा प्रचण्ड जस्ता १७ हजार मान्छे मारेर आएकालाई अब संसद छिर्न दिन हुँदैन भन्ने । अहिले उनले संसदमा छिर्न दिनैहुँदैन भन्ने प्रचण्ड सरकारको नेतृत्वमा छन भने उनी त्यो सरकारका उपप्रधानसहितका गृहमन्त्री ।

उनी गृहमन्त्री भएपछि नेपाल प्रहरीले सांसद कोइरीलाई हत्या अभियोगमा खोजि भइरहेकाले संसदीय कामकारवाहीमा सहभागि हुन नदिनु भनेर पत्रसमेत पठाएको थियो । तर, उनी निरन्तर संसदका गतिविधमा संलग्न छन् । घाइते सुरक्षाकर्मीको हत्याका अभियुक्तप्रति प्रहरीको सहानुभूति पनि उत्तिकै देखिएको छ । एउटा हत्यारा संसद जस्तो गरिमामय ठाउँमा उपस्ति भएर बस्दा समाउन नसक्ने प्रहरीले अब अरु हत्यारालाई कुन अनुहार लिएर समउने ? गृहमन्त्री लामिछानेले कुुन मुखले प्रहरीलाई हत्यारा समाउ भनेर निर्देशन दिने ? ।

प्रतिनिधिसभामा कांग्रेसले यसको जवाफ माग्यो । तर, गृहमन्त्रीले गृहमन्त्रालयको काममा हस्तक्षेप भएको उत्तर दिए । फरार अभियुक्त लक्ष्मी कोइरी प्रतिनिधिसभामा उपस्थित भएर प्रधानमन्त्रीलाई विश्वासको मत दिँदा पनि पक्रन नसक्नु प्रहरी र गृहमन्त्रीको मात्र हैन, राज्यकै चरम लाचारी पन हो । आज एटा हत्यारा र उसँग काँध मिलाएर बस्ने गृहमन्त्रबाट अब के आस गर्ने, कुन नैतिकताले उनलाई गृहमन्त्रीको सम्मान दिने भन्ने आम जनतामा प्रश्न उठेको छ ।

सांसद कोइरीमाथि घाइते प्रहरीलाई एम्बुलेन्सबाट झिकेर हत्या गरेको अभियोग छ । अदालतले पुर्पक्षका लागि थुनामा राख्ने आदेश दिएको अभियुक्तलाई नेकपा एमालेले प्रतिनिधिसभामा उमेदवार बनाएको छ । उनी महोत्तरी– १ बाट निर्वाचित भएका थिए । नेकपा एमालेले हत्या अभियोग लागेको व्यक्तिलाई सांसदको टिकट दिनु गलत थियो । टिकट दियो र उनी जितेर आए । तर, सफाई पाएका छैनन् । उनी अभियोगी नै भएपछि नयाँ आएको गृहमन्त्रीले समाउने आँट देखाएर आफुलाई मर्द सावित गर्न सक्नुपर्ने थियो । तर, सकेनन् । नसक्दा मर्द भएर राजीनामा दिनुपर्ने हो त्यो पनि उनले गर्ने वाला छैनन् ।

चुनाव जित्दैमा उच्च अदालतको आदेश निरस्त हुने त होइन । तर, सत्तारुढ दलका नेता हुनुको लाभ निजले पाए । प्रहरीले देखेको नदेख्यै गरेर प्रधानमन्त्रीलाई विश्वासको मत दिन दियो । मत दिइसकेपछि पनि प्रहरीले समातेन । गृहमन्त्रीले समात्न निर्देशन दिन सकेनन् । सञ्चार माध्यममा समाचार आएपछि गृहमन्त्रीले प्रहरीलाई निज फरार अभियुक्तलाई पक्रन निर्देशन दिएको प्रचारवाजी पनि चलाए तर, सत्ताको चरित्र बुझेको नेपाल प्रहरिले अहिलेसम्म पक्रने आँट गरेको छैन । प्रहरीले कर्तव्य पालन नगर्दा राज्यकै साख गिर्दा पनि गृहमन्त्री हेरेको हेरै छन् ।

उनलाई लागेको हुनुपर्छ हत्या अभियोग त मलाइ पनि लागेको हो । तर, के फर भयो र म गृहमन्त्री हुँदा ऊ किन सांसद हुन नपाउने भन्ने । प्रहरीले निज फरार अभियुक्तलाई पक्राउ गर्न संसद् सचिवालयमा सहयोगसमेत मागेर पत्राचार पनि गरेको थियाने । कानुनअनुसार पक्राउ गरिने दाबीसहित तर, अहिलेसम्मको प्रहरीको प्रयास भएको छैन् । गृहमन्त्रीले नै राकिदिएका छन । नत्र संसद आवतजावत गर्ने व्यक्तिलाई पक्रनै नसक्ने स्थिति थिएन । घाइते सुरक्षाकर्मीलाई एम्बुलेन्सबाट झिकेर हत्या गरेको आरोप लागेको अभियुक्तप्रति गृहमन्त्रीले सहानुभूति देखाउनुपर्ने कुनै कारण थिएन् ।

फरार अभियुक्तलाई पक्रने प्रतिबद्धता प्रकट गर्नुको साँटो संसदमै गृहमन्त्रीले विधि र पद्धतिबाहिर नजाने उत्तर दिएका छन् । उच्च अदालतले थुनामा राखेर पुर्पक्ष गर्ने आदेश दिएको फरार अभियुक्तलाई प्रहरीले नपक्रने कुन विधि र पद्धति हो वा उनलई समाउन अर्कै विधिको आवश्यकता हो भन्ने कुरा गृहमन्त्री बुझेर बोल्दैछन कि नबुझी यो पनि प्रष्ट छैन् । गृहमन्त्रीको फरार अभियुक्त संसद् भएपछि ऊ जाँदाआउँदासमेत राजनीतिक संरक्षण दिनुपर्छ भन्ने मान्यता हो भनेर अब बुझ्न कठिन छैन् । यस्ता घटनालाई संरक्षण दिएर राज्यकै छवि बिग्रार्ने गृहमन्त्रीले अब किन राजिनामा नदिने ?।

यस्ता राजनीतिक संलग्नताको अन्त्य गर्न र राज्यको साख जोगाउन पनि कि फरार अभियुक्तलाई तत्काल पक्रनुपर्छ कि गृहमन्त्रीले राजीनामा दिनुपर्छ । उनलाई आफ्ना बाचाप्रति ध्यान छ । फेरी राजनीत गरेर सुशासन दिनुपर्छ भन्ने लाग्छ भने समय वितेको छैन् । नैतिकता वा आँट देखाउन समय आइसकेको छ । सकिँदैन भने लाचार भएर गृहमन्त्रीको रुपमा बस्नु भन्दा राजीनामा दिएर यो ठाउँ हामी जस्ता इमाान्दार बस्ने ठाउँ होइनरहेछ भनेर जनतामा जानु बेस हुन्छ भन्ने आवाज जनस्तरमा उठिसकेको छ ।