गठबन्धनबाट रास्वपाकी इन्दिरा राना उपसभामुखको उम्मेदवार

६ माघ, काठमाडौं । सत्ता गठबन्धनको तर्फबाट राष्ट्रिय स्वतन्त्र पार्टी रास्वपाकी इन्दिरा राना मगर उपसभामुखको उम्मेदवार हुने भएकी छन् । सत्ता गठबन्धनमा उपसभामुख पाउने भएको रास्वपाले रानालाई उम्मेदवार बनाउने निर्णय गरेको छ । शुक्रबार बिहान बसेको रास्वपाको संसदीय दलको बैठकले रानालाई उपसभामुखको उम्मेदवार बनाउने निर्णय गरेको हो ।

सत्तारुढ गठबन्धनबीच उपसभामुख रास्वपाले पाउने सहमति भएको बताइएको छ । उसले राष्ट्रपति पाउने भएपछि गठबन्धनका तर्फबाट अर्को उम्मेदवार रहने छैन् । सत्ता गठबन्धनकै तर्फबाट नेकपा एमालेका देवराज घिमिरे सभामुख निर्वाचित भइसकेका छन् । उपसभामुखमा आज उम्मेदवारी दर्ताको समय तोकिएको छ । भोलि बस्ने प्रतिनिधि सभा बैठकले उपसभामुख चयन गर्ने छ ।