रास्वपाकी इन्दिराले दिइन् उपसभामुखमा उम्मेदवारी

६ माघ, काठमाडौं । सत्ता गठबन्धनका तर्फबाट राष्ट्रिय स्वतन्त्र पार्टी (रास्वपा)की इन्दिरा राना मगरले उपसभामुखमा उम्मेदवारी दर्ता गराएकी छिन् ।

बिहान बसेको रास्वपाको संसदीय दलको बैठकले रानालाई उपसभामुखको उम्मेदवार बनाउने निर्णय गरेको हो ।

जसअनुसार उनले सत्ता गठबन्धन दलको समर्थनमा उनले उम्मेदवारी दर्ता गराएकी हुन् ।

सुरूमा साेविता गाैतमलाइ उम्मेदवार बनाउने चर्चा चलाए पनि उपप्रधान तथा गृहमन्त्री समेत रहेका पार्टी सभापति रबि लामिछानेकाे ‘इन्ट्रेष्ट’मा रानाकाे नाममा सहमति जुटाइएकाे हाे । गाैतम प्रस्तावक बसेकी छन् ।

समर्थकमा नेकपा एमालेका कृष्णगोपाल श्रेष्ठ, नेकपा माओवादी केन्द्रकी नारायणी शर्मा  र राप्रपाका राजेन्द्र लिङ्देन रहेका छन् ।