विव्यस गठनमा गाउँपालिकाको हस्तक्षेपको विरोध

६ माघ, काठमाडौं । सिन्धुपाल्चोकको बलेफी गाउँपालिकाले विद्यालय व्यवस्थापन (विव्यस) गठमा हस्तक्षेप गरेको भन्दै नेकपाले विरोध जनाएको छ ।

गर्दै आएको पछिल्लो निर्णय तथा कार्यप्रति नेपाल कम्युनिस्ट पार्टी सिन्धुपाल्चोकको गम्भिर ध्यानाकर्षण भएको जनाएको छ । पालिकाभित्रका विभिन्न विद्यालयमा भइको विव्यस गठनमा अभिभावकको अधिकारमाथि ठाडो हस्तक्षेप गरेको नेकपाको आरोप छ ।

विरोधमा नेकपाका जिल्लाका ईन्चार्ज आधार र सचिव युगिनले एक प्रेस विज्ञप्ति निकाल्दै हस्तक्षेप नरोकिए संलग्नलाई जनबाही गरिने चेतावी दिएका छन् ।

विद्यालय व्यवस्थापन समिति गठन प्रक्रियामा स्वेच्छचारी तथा मनोमानी गरेको नेकपाकाे तर्क छ । ‘विद्यालय व्यवस्थापन समिति गठनको प्रक्रियामा प्रवेश नगरि पार्टीको कार्यकर्ता भर्ति केन्द्रको रुपमा मनोनित अध्यक्षहरु आम अभिभावकको अधिकारमाथि ठाडो हस्तक्षेपका विरुद्ध बलेफीका सबै अभिभावक र समाज रुपान्तरणको मेरुदण्डको रुपमा रहेको शिक्षा क्षेत्रमा भएको चरम लापरवाही, स्वेच्छचारी तथा मनोमानी गतिविधि तत्काल रोक्न र लागु नगर्न सम्बन्धित निकायको ध्यानाकर्षण गराउँदछौं’ विज्ञप्तिमा भनिएको छ ।