टी २० लिग ‘स्पट फिक्सिङ’ प्रकरणः फरारकाे संभावना बढेपछि अन्सारी र आलमलाई पक्राउ गर्ने तयारी

९ माघ, काठमाडौं । त्रिवि क्रिकेट मैदानमा ९ देखि २७ पुसमा सकिएको नेपाल टी-२० लिगमा ‘स्पट फिक्सिङ’मा संलग्न भएको आरोपमा सीआईबीले पूर्वराष्ट्रिय क्रिकेटर मेहबुब आलम र राष्ट्रिय क्रिकेट टोलीका सदस्य आदिल अन्सारीमाथि केन्द्रीय अनुसन्धान ब्यूरो (सीआईबी)ले सीअाइबीले निगरानी सुरू गरेकाे छ ।

प्रतियोगितामा ‘स्पट फिक्सिङ’ भएको आशंका केन्द्रीय अनुसन्धान ब्यूरो सीआईबीले छानबिनपश्चात प्रतिवेदन तयार भएकै समयमै उनीहरुलाई फरार हुनसक्ने भन्दै पक्राउकाे तयारी समेत गरिएको स्रोतले जनायो ।

आलम नेपाल राष्ट्रिय क्रिकेट टोलीका पूर्वअलराउण्डर हुन् । अन्सारी गत जेठमा मात्रै अमेरिकाविरुद्धको खेलबाट राष्ट्रिय टिममा डेब्यू गरेका थिए ।

उनीहरुले नेपाल क्रिकेट संघ (क्यान) को रणनीति साझेदार भारतीय सेभेन थ्री स्पोर्टस्का मालिक जतिन अहुवालियाको योजना अनुसार ‘स्पट फिक्सिङ’मा सहयोग गरेको सीआईबी स्रोतको दाबी छ ।

खेलमा ‘म्याच फिक्सिङ’ गर्ने प्रयास भएपनि विफल भएपछि , ‘सट्टेबाजीबाट असूली गर्ने उद्देश्यबाट
‘स्पट फिक्सिङ’ गरेको पाइएको छ ।

निर्धारण खेलतालिकामा टिमबाट भएको खेलको नतिजा हेरफेर गर्ने गरी निश्चित खेलाडीसँग लेनदेन गर्ने कार्य ‘स्पष्ट फिक्सिङ’ हो । खेल चलिरहेका बेला फिक्सिङका लागि आफ्ना खेलाडीहरुलाई अफर आएको भन्दै राष्ट्रिय क्रिकेट टोलीका पूर्वकप्तान ज्ञानेन्द्र मल्लले खुलासा गरेका थिए ।

‘स्पट फिक्सिङ’ भएको पाइएको जनाउँदै क्रिकेट कमेन्टेटर सचिन तिमेल्सिनाले बीचमै भूमिका छाडेका थिए । उनले देशको क्रिकेट क्षेत्रको इज्जत र भविष्यका लागि भूमिका त्याग गरेको भिडियो उनले सामाजिक संचजालमार्फत सार्वजनिक गरेका थिए ।

‘स्पट फिक्सिङ’को उजुरी क्यानमा समेत परेको र सोको आधारमा सीआईबीले प्रहरी नायब उपरीक्षक (डीएसपी) सुन्दर तिवारीको नेतृत्वमा ६ सदस्यीय छानबिन समिति गठन गरेर अनुसन्धान थालेको थियो ।