जनमत पार्टीले चिसै पानीले नुहाउने !

११ माघ, काठमाडौं । सीके राउतले नेतृत्व गरेको जनमत पार्टीले अन्तत खानेपानी मन्त्रालय नै लिने निर्णय गरेको छ । सत्ता गठबन्धनमा शुरुदेखि नै सहभागी रहेको जनमत पार्टीले उधोग, बाणिज्य तथा आपूर्ति मन्त्रालयको बार्गेनिङ गर्दै बिना विभागीय मन्त्रीका रुपमा शपथ खाएको थियो ।

मन्त्रिपरिषदको दोस्रो बिस्तार हुँदा सो पार्टीलाई खानेपानी मन्त्रालय दिदा राष्ट्रपति समक्ष शपथ खान ईन्कार गर्दै उधोग मन्त्रालय नपाए सत्ताबाट बाहिरीने चेतावनी दिएको थियो । तर उसले मागेको मन्त्रालय एमालेले खोसिदिएपछि की दुई मन्त्रालय दिनु पर्ने की सत्ताबाट बाहिरीने बताउँदै आएको थियो ।

तर आज एमाले अध्यक्ष केपी ओली र प्रधानमन्त्री प्रचण्डसँगको वार्तापछि जनमत पार्टीले खानेपानी मन्त्रालयमै चित्त बुझाउन बाध्य भएको छ । आजै दुई बजे खानेपानी मन्त्रीका रुपमा सो पार्टीका सांसद अब्दुल खानले राष्ट्रपति समक्ष शपथ लिने भएका छन् ।

यसलाई राजनीतिक वृत्तमा जनमत पार्टीले चिसै पानीले नुहाएको भन्दै व्यङग गरिएको छ । पार्टी महासचिव चन्दन सिंहका अनुसार अहिलेलाई खानेपानी मन्त्रालय लिने सहमति भएको छ ।