नाबालिकामाथि करणी गरेकाे आरोपमा अनाथालयका प्रमुख पक्राउ

१७ माघ, महेन्द्रनगर । कञ्चनपुरमा विगत लामो समयदेखि नाबालिकामाथि करणी गरेको आरोपमा यहाँ संचालित अनाथलयका प्रमुख प्रक्राउ परेका छन् ।

लामो समयदेखि अनाथलयमा बस्दै आएका नाबालिकालाई करणी गरेको आरोपमा महेन्द्रनगरमा संचालित महाकाली बाल अनाथलयका प्रमुख शंकरबहादुर चन्दलाई प्रहरीले मंगलबार पक्राउ गरेको हो ।

पीडित बालिकाले साथीलाई घटनाबारे बताएपछि सूचना प्रहरीसम्म पुगेको र सोही आधारमा पक्राउ गरिएको हो । चन्दले अनाथालयमा आश्रित १४ वर्षीया र १६ वर्षीया नाबालिकामाथि करणी गरेको खुल्न आएको प्रहरीको दाबी छ ।

अभियुक्त चन्दलाई जिल्ला अदालतबाट म्याद लिई हिरासतमा राखेर अनुसन्धान गरिने प्रहरीले जनाएको छ ।