केही गर्दा पनि राजश्व परिचालनमा सुधार आएनः अर्थमन्त्री

१७ माघ, काठमाडौं । उपप्रधान एवं अर्थमन्त्री विष्णु पौडेलले राजश्व परिचालनमा समस्या आएको बताएका छन् । उनले धेरै प्रयास गर्दा पनि सुधार ल्याउन नसक्दा चालु आर्थिक वर्षमा राजश्व परिचालनमा सरकार धेरै पछाडि परेको बताएका छन् । काभ्रेपलाञ्चोकको धुलिखेलस्थित काठमाडौं विश्वविद्यालयमा नवनिर्मित इनर्जी ल्याव भवनको उद्घाटन गर्दै अर्थमन्त्री पौडेलले गत आवको तुलनामा राजश्व परिचालनकाे दर निकै कम रहेको बताए ।

उनले सरकारको पुँजीगत खर्च निकै निराशाजनक रहेको बताए । आर्थिक वर्षको आधा समय सकिदासमेत पुँजीगत खर्च १५ प्रतिशत पनि नपुगेको बताए । गत वर्षको यही समयमा योभन्दा राम्रो पूँजीगत खर्च भएको थियो । उनले यही अवस्थाबाट सुधार गर्ने अपेक्षा राखेर अनेक प्रयास गर्दा पनि सम्भव नभएको बताए । अहलिेको खर्चको अवस्था हेर्दा आगामी वर्षको बजेट कसरी निर्माण गर्ने भन्ने चिन्तामा आफु रहेको भन्दै समग्र अर्थ क्षेत्रमा नै चुनौती नै चुनौती रहेको गुनासो गरे ।

उनले ब्याजदर, महँगी ग्राहिस्थति, विदेशी मुद्रास्फीति, टे«ड ब्योलेन्सको असन्तुलन जस्ता विषयले पनि आर्थिक अवस्था चुनौतीपूर्ण रहेको दवाव कम गर्ने प्रयास भइरहेको बताए । सरकार सामू आर्थिक क्षेत्र सकारात्मक बाउने चुनौती रहेकाले यसलाई सामना गर्दै गतिशील र विकसित आर्थिक अवस्था बनाउने अभियानमा सरोकारवालाले सहयोग गर्नुपर्ने उनको भनाइ छ ।

मन्त्रालयहरूको तीन-तीन महिनाको प्रगति समीक्षा हुन्छ । योजना आयोग, प्रधानमन्त्री कार्यालयदेखि सबै निकायमा संयन्त्र छन् । ती संयन्त्रले तोकिएको समयमा आयोजनाहरूको समीक्षा नगर्दा पनि पुँजीगत खर्च कम भइरहेको छ । उनले विकासमा योजना तर्जुमा र योजना कार्यान्वयनबीचको उचित तालमेल नमिल्दा पूँजीगत खर्चमा ठूलो गिरावट आइरहेको बताए । समयमा आयोजना कार्यान्वयनमा नजाँदा वा कार्यान्वयनमा गएको आयोजना तोकिएको समयमा पूरा नहुँदा समय मात्रै बर्बाद भइरहेको उनले बताए ।