राजदूत सोङले किन बढाइरहेका छन राजनीतिक सक्रियता ?

१७ माघ, काठमाडौं । सत्ता समीकरणमा उतवचढाव आइरहेका बेला नेपालका लागि चिनियाँ राजदूत चेन सोङले उच्च पदस्थहरुसँग राजनीतिक भेटघाट तिब्र बनाएका छन् । नेपाल आएर ओहोदाको प्रमाणपत्र पेस गरेपछि एक सातामै सोङले राष्ट्रपतिदेखि प्रधानमन्त्री हुँदै विपक्षी दलका नेतालाई भेटेर चीन सरकारको सन्देश सुनाएका छन् ।

पछिल्लो समय उच्चस्तरीय भेटघाट र नेपालमा बढिरहेका राजनीतिक घटना क्रमललाई लिए उनका विषयमा विभिन्न चर्चाससमेत हुन थालेका छन् । सोङले हतारमा गरिरहेको भेटघाटलाई राजनीति बृतमा अर्थपूर्ण मानिएको छ । सरकारको समीकरणमा आउनसक्ने दरारलाई कम गर्न उनले भेटघाट बढाएको बताइएको छ । नेपालमा कम्युनिष्ट सरकार वा पार्टीभित्र कुनै विवाद उत्पन्न हुँदा चिनियाँ राजदूतको सक्रियता बढ्ने गरेको पाइन्छ ।

अहिले नेपालमा नेकपा माओवादीका अध्यक्ष पुष्पकमल दाहाल प्रचण्डको नेतृत्वमा सरकार छ । सरकार बनेको महिनादिन नवित्दै सत्ता गठबन्धनमा विभिन्न शंका उपशंकाहरु उब्जिन थालेका छन् । गृहमन्त्रीको विषयलाई लिएर प्रधानमन्त्री प्रचण्ड र राष्ट्रिय स्वतन्त्र पार्टीबीच विवाद आइरहेको छ उसले गृहमन्त्री नपाए सरकारमा नबस्नेसम्मको चेतावनी दिएको छ ।

नेपाल आएपछि राजदूत सोङले दुई सातामा आठ उच्चस्तरीय राजनीतिक भेटवार्ता गरेका छन् । गत पुस २४ मा पदभार ग्रहणका लागि काठमाडौं आएका उनले गत २९ पुसमा राष्ट्रपति विद्यादेवी भण्डारीसमक्ष आफ्नो ओहोदाको प्रमाणपत्र पेस गरेका थिए । यस लगत्तै उनले उच्चस्तरीय राजनीतिक भेटवार्तालाई तीव्रता दिएका हुन् । राजदूतको कार्यभार सम्हाल्न आएको एक सातापछि २ माघमा उनले प्रधानमन्त्री पुष्पकमल दाहाल प्रचण्डलाई भेटेका थिए ।

यसपछि उनले ४ माघमा प्रमुख सत्तासाझेदार दल नेकपा एमाले अध्यक्ष केपी शर्मा ओलीलाई भेट गरे । सो भेटमा दुई देश सरकार र पार्टीबीचको सम्बन्धमा विषयमा कुराकानी भएको चिनियाँ दूतावासले जनाएको थियो र चीन सरकारले वर्तमान सरकार पठाएको गोप्य सन्देश लिएर सोङ प्रधानमन्त्री प्रचण्ड र अध्यक्ष ओलीकासमक्ष पुगेका थिए । एमाले अध्यक्ष ओलीलाई भेटेको दुई दिनपछि ६ माघमा राजदूत सोङले कांग्रेस सभापति तथा पूर्वप्रधानमन्त्री शेरबहादुर देउवालाई भेटेका थिए ।

यसपछि उनले उपप्रधान तथा अर्थमन्त्री विष्णुप्रसाद पौडेल र परराष्ट्रमन्त्री डा. विमला राई पौड्याललाई एकैदिन भेटेका थिए । उक्त भेटमा द्विपक्षीय सम्बन्धबारेमा विषयमा कुराकानी भएको जानकारी दिइएको थियो । देउवा, पौडेल र राईसँगको भेटेको एक सातापछि १५ माघमा राजदूत सोङले उपप्रधान एवं भौतिक पूर्वाधार तथा यातायात मन्त्री नारायणकाजी श्रेष्ठसँग भेटघाट गरेका थिए ।

यसपछि १७ माघमा राजदूत सोङले उद्योग, वाणिज्य तथा आपूर्तिमन्त्री दामोदर भण्डारीलाई भेटेका छन् । उनको यो भेटघाट निकै हतारमा भएको देखिन्छ । सामान्य तया कुनै पनि देशका राजदूतले यसरी उच्चतहका नेताहरुलाई लगातार भेटेको यो पहिलो पल्ट हो । निर्वाचन लगत्तै पनि कम्युनिष्ट गठबन्धन बनाउन चीनले राजदुतमार्फत प्रयार गरेको थियो । अहिले सत्ता गठबन्धन विवादमा आउन थालेपछि नेपालका लागि चिनियाँ राजदूत सोङको भेटघाट बाक्लिएको छ ।

मंगलबार भएको सो भेटमा मन्त्री भण्डारीले ताक्लाकोट, तिंकरलगायतका देशका पश्चिमी उत्तरी नाका खुलाउने विषयमा राजदूतको ध्यानाकर्षण गराएको बताइएको छ । जवाफमा राजदूत सोङले उत्तरी पश्चिमी नाका खोल्ने र निर्माणाधीन पाँच सुक्खा बन्दरगाहका विषयमा चीन सरकार सकारात्मक रहेको बताएका थिए । कार्यभार सम्हालेसँगै भएको राजदूत सोङको भेटवार्तालाई यतिबेला शिष्टाचार भटघाटको नाम दिइएको छ ।