अवैध लागू औषधसहित २ युवक पक्राउ

१७ माघ, धनगढी । ब्राउनसुगरसहित प्रहरीले एक युवकलाई पक्राउ गरेको छ । धनगढी उपमहानगरपालिका वडा नम्बर ३ स्थित बसन्त होटलबाट अछामको युवकलाइ पक्राउ गरेकाे हाे ।

पक्राउ पर्नेमा साफेबगर नगरपालिका स्थाई घर भई हाल धनगढी ५ हसनपुर बस्ने ३४ वर्षीय मुकेश कुवँर रहेकाे प्रहरीले जनाएकाे छ ।

वडा प्रहरी कार्यालयबाट खटिएको प्रहरी निरीक्षक उपेन्द्र बमको टोलीले कुवँरलाई ९ सय मिलिग्राम ब्राउन सुगरसहित पक्राउ गरेको जनाएको छ ।

यस्तै, बैतडीबाट प्रहरीले एक जना युवकलाई लागु औषधसहित गरेकाे छ । पक्राउ पर्नेमा जिल्लाको सुर्नया गाउँपालिका–१ हटैराज गुरगेलिका २५ वर्षीय दिपक चन्द रहेका छन् ।

उनलाई अवैध लागूऔषध चेरश १ सय ९९ ग्राम सहित सोमबार दिउँसो एक पसलबाट पक्राउ गरिएको हो ।