पाँच वर्षअघि श्रीमानको हत्या गरेर शौचालायमा पुरिएकाे घटना बाहिरयाे, छोरा र श्रीमती पक्राउ

१८ माघ, सुर्खेत । भेरी नगरपालिका–६ सिस्नेकी भद्रकला कामीले आफ्नै श्रीमान काले कामीलाई हत्या गरेको घटना पाँच वर्षपछि सार्वजानिक भएको छ ।

भद्रकलाले ३० पुस २०७४ मा भद्रकला कामीले लाठ्ठी प्रहार गर्दा उनका श्रीमान ४७ वर्षीया काले कामीको मृत्यु भएको र मृत्युपछि भद्रकला र उनका छोराहरू गोविन्द विक, तुल्सीराम विकले शव घर नजिकै शौचालयमा पुरिदिएको खुलेको प्रहरीले जनाएको छ ।

जाजरकोट प्रहरीले अनुसन्धान बढाउँदा काले कामीको शव शौचालयमा पुरिएको अवस्थामा भेट्टाएको डिएसपी सन्तोष निरौलाले बताए । उनका अनुसार शव शौचालयको खाडलमा पुरेको गोप्य सूचनाका आधारमा मंगलबार जाजरकोट प्रहरीले घटनास्थलमा पुगेको थियो ।

जिल्ला प्रहरी कार्यालय जाजरकोटबाट अनुसन्धान अधिकृतसहितको प्रहरी टोली घटना स्थलमा पुगेर शौचालयको खाडल उत्खनन गर्दा काले कामीको शव भेटिएको थियो ।

काले कामीको पुरै दाँतसहितको खप्पर (टाउको), प्लास्टिकको डोरीले बाँधिएको ज्याकेट, पाइन्ट र सोही ज्याकेट पाइन्टभित्र मानव कङ्गाल (हड्डी)हरू फेला परेको प्रहरीले जनाएको छ ।
भद्रकला र उनका छोरा तुल्सीराम विकलाई पक्राउ गरी जिल्ला प्रहरी कार्यालयमा ल्याएर अनुसन्धान अगाडि बढाइएको छ ।