लगातार घटेको शेयरबजार आज ४.९७ अंकले वृद्धि

१८ माघ, काठमाडौं । बुधबार शेयर बजारमा केही मात्रामा वृद्धि भएको छ । लगातार घटेको शेयर बजार आज नेप्से परिसूचकमा ४.९७ अंकले उकालो लागेर २११६.६५ विन्दुमा आएर रोकिएको छ ।

मंगलबार नेप्से परिसूचक १५.७४ अंकले ओरालो लागेकोे थियो । सोही दिन २ अर्बभन्दा बढीको शेयर कारोबार थियो । नेप्से परिसूचका अनुसार ११० कम्पनीमा उकालो लागेको छन भने ९३ कम्पनी ओरालो लागेका छन् । साथै १३ कम्पनीको अवस्था स्थिर रहेको छ ।

साथै, बुधबार २६१ कम्पनीको कारोबार भएकोमा ५० लाख २४ हजार ३८१ कित्ता शेयर किनबेच भएको छ । सो क्रममा १ अर्ब ७६ भन्दा बढी रुपैयाँको कारोबार भएको छ ।

यस्तै, नवील बैंकको सर्वाधिक शेयर कारोबार भएको छ । यस बैंकको करिब ६ करोड रुपैयाँको शेयर बिक्री भएको छ। साथै, रिडी पावर कम्पनीको ४ करोड ९२ लााखभन्दा बढी रुपैयाँको शेयर कारोबार भएको छ ।

यस्तै, आदर्श लघुवित्त वित्तीय संस्थाको १० प्रतिशतले मूल्य वृद्धि भएको छ । आजका १३ उपसूचकहरु मध्ये ५ कम्पनी बाहेको सबै उपसूचकहरुमा वृद्धि भएको छ ।