सिरहाको अर्नमा गाउँपालिकामा बीमा सम्बन्धी अन्तरक्रिया सम्पन्न
![नेपालबहस संवाददाता](
https://nepalbahas.prixacdn.net/media/albums/NB_E0Qh2H6kyW.jpeg
)
नेपालबहस संवाददाता
माघ १९, २०७९ बिहिबार १८:३:५७
![](https://nepalbahas.prixacdn.net/media/albums/madesha-bima_JsIg3Ucf1g.jpg)
१९ माघ,सिरहा। नेपाल बीमा प्राधिकरण, मधेश प्रदेश कार्यालयको आयोजनामा मधेश प्रदेशको सिरहा जिल्लाको अर्नमा गाउँपालिकामा आज बीमा सम्बन्धी सचेतनामूलक अन्तरक्रिया कार्यक्रम सम्पन्न भएको छ ।
कार्यक्रममा प्रमुख अतिथि अर्नमा गाउँपालिकाका अध्यक्ष अशोक कुमार यादवले बीमाप्रतिको अन्यौल हटाई टोल टोलमा खुलारुपमा बीमाका बारेमा जानकारी दिन सकेमा बीमा गर्न चाहनेहरु नै बीमा गर्न खोजी खोजी आउने बताए ।
अध्यक्ष यादवले बीमा व्यवसायमा पारदर्शिताको कमी र न्यून मूल्यांकनका कारण माछा, पशुपन्छी, घर लगायतको बीमामा गुनासो आउने गरेको उल्लेख गर्दै देशको समृद्धिका लागि हरेक व्यक्ति आर्थिकरुपले सुरक्षित हुनु अपरिहार्य भएकाले सबैले जीवन तथा निर्जीवन बीमा गर्नुपर्ने बताए । अर्नमा गाउँपालिकाका प्रमुख प्रशासकीय अधिकृत कृष्णानन्द सिंहले बीमाको दायरा विस्तारका लागि बीमा सम्बन्धी जनचेतनामूलक कार्यक्रमहरुलाई निरन्तरता दिनुपर्ने विचार व्यक्त गरे ।
कार्यक्रममा सहभागी कृषकहरुले बोयर जातको बाख्रा र गाईको बजार मूल्य अनुसार बीमा गर्न नपाएको, कृषि तथा पशुपन्छीको बीमा दाबी प्रक्रियाका बारेमा बीमा कम्पनीले जानकारी नदिएको, कम्पनीहरुले माछाको बीमा गर्न नमानेको, बीमा दावी गरेको एक वर्षसम्म पनि दाबी भुक्तानी नपाएको लगायतका गुनासा गरे ।
बीमा कम्पनीका शाखा कार्यालयका प्रतिनिधिहरुले वास्तविक मूल्यभन्दा बढीको बीमा गर्न खोजिने गरेकाले बीमा गर्न समस्या भएको र कृषि प्राविधिकको सिफारिशका आधारमा बीमा गर्न तयार रहेको स्पष्ट पारे । कार्यक्रममा नेपाल बीमा प्राधिकरण, मधेश प्रदेश कार्यालयका प्रमुख कुसुम शर्माले गाउँपालिकाका सेवासँग आवद्ध गरेर घर, सम्पत्ति र व्यवसायको बीमालाई अनिवार्य गर्न र राहतभन्दा पनि नागरिकको बीमा गर्नका लागि कार्यक्रम ल्याउन गाउँपालिकासँग आग्रह गरे ।
कार्यालय प्रमुख शर्माले गाउँपालिकालाई आफ्ना कर्मचारी, भवन र सम्पत्तिको बीमा गर्न समेत आग्रह गरे । कार्यक्रममा अर्नमा गाउँपालिकाका उपाध्यक्ष शोभा कुमारी साह, वडा अध्यक्ष तथा सदस्य र कर्मचारीहरु, नेपाल बीमा प्राधिकरण, मधेश प्रदेश कार्यालयका सहायक निर्देशक अनिश तिमिल्सिना, बीमा कम्पनीका शाखा कार्यालय प्रमुख, कृषि प्राविधिक, बैंक तथा वित्तीय संस्थाका प्रतिनिधि, कृषक, संचारकर्मीहरु लगायत गरी करिव ११५ जनाको सहभागिता रहेको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनवनियुक्त अध्यक्ष महेश बरालले लिए पद तथा गोपनीयताको शपथ
जेठ १५, २०८१ मंगलबार
प्रभु महालक्ष्मी लाइफको ब्राण्ड एम्बेसडर मनोज गजुरेल
चैत २०, २०८० मंगलबार
नेपाल लाइफद्वारा एएमएल र सीएफटी सम्बन्धी तालिम सम्पन्न
चैत ६, २०८० मंगलबार
टेलिकमको बिलिङ प्रणालीमा अर्ब बढी हिनामिना आरोपमा मुद्दा चलाउने अख्तियारको तयारी
असार ११, २०८१ मंगलबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
असार ११, २०८१ मंगलबार
मुख्यसचिवका दाबेदार गृहसचिव अर्याल ढुक्कै विदेश भ्रमणमा
असार ११, २०८१ मंगलबार
एसइईको नतिजा आज सार्वजनिक गर्ने तयारी
असार १२, २०८१ बुधबार
कास्कीमा पहिरोमा परेर दुई बालबालिकाको मृत्यु, एक घाइते
असार १२, २०८१ बुधबार
केन्यामा कर बढाएको विरोधमा संसद भवनमा तोडफोड र आगजानी
असार १२, २०८१ बुधबार
युरोकप : नेदरल्याण्डसलाई हराउँदै अस्ट्रिया नक आउट चरणमा
असार १२, २०८१ बुधबार
लमजुङमा पहिरोले ३ घर पुरिँदा ४ जना बेपत्ता
असार १२, २०८१ बुधबार
डेढ दशकपछि म्याग्दीको बेनी–भकिम्ली सडक स्तरोन्नति
असार १२, २०८१ बुधबार