टि २० लिग स्पट फिक्सिङमा मुछिएकाे क्यानसँग राखेपले सोध्यो स्पष्टीकरण

२२ माघ, काठमाडौं । राष्ट्रिय खेलकुद परिषद् (राखेप)ले नेपाल क्रिकेट संघ )क्यान) लाई स्पष्टीकरण सोधेको छ । सो कुरालाई क्यानले गुपचुप राख्दै आएको खुलासा भएको छ ।

नेपाल टी–२० लिगका लागि भारतीय कम्पनी सेभेन थ्री स्पोर्ट्ससँग गरिएको सम्झौता राष्ट्रिय खेलकुद विकास ऐन २०७७ विपरीत भएको ठहर भएसँगै खेलकुद परिषद्ले क्यानलाई ७ दिनको समय राखेर हप्ता दिन पहिल्यै स्पष्टीकरण सोधेको हो ।

क्यानले भारतीय कम्पनी सेभेन थ्रीसँग नेपाल टी-२० लिगका लागि आठ वर्षको सम्झौता गरेको थियो । तर क्यानले गरेको सम्झौता ऐनविपरीत भएको राखेपले नेपाल टी-२० लिग छानबिनका लागि गठन गरेको कार्यदलले ठहर गरेको थियो । राखेपा सदसस्य सचिव टंकलाल घिसिङ छन् । उनी नेकपा (माओवादी केन्द्र)बाट नियुक्त भएका हुन् ।

राखेपाको कार्यकारी समिति बैठकले क्यानले सम्झौता गर्दा ऐन उल्लघंन गरेको ठहर गर्दै खेलकुद विकास ऐनको दफा २९ को ९१० अनुसार एक साताको पत्र काटेको राखेपाले जाएको छ । खेलकुद विकास ऐनको दफा २९ मा राष्ट्रिय खेल संघलाई निश्चित समय तोकी निलम्बन गर्न सक्ने व्यवस्था छ ।

क्यानले भारतीय कम्पनी सेभेन थ्रीसँग ८ वर्षका लागि नेपाल टी–२० लिग गर्न गत वर्ष मात्र सम्झौता गरेको थियो । पहिलो लिग नै खेल सट्टेबाजी अर्थात स्पट फिक्सिङमा मुछिएपछि लिग चलिरहेकै बेला आयोजक कम्पनी सेभेन थ्री भागेपछि क्यान अप्ठ्यारोमा परेको छ ।

स्पट फिक्सिङमा संलग्नताको आरोपमा प्रहरीकाे केन्द्रीय अनुसन्धान ब्यूराे (सीआईबी)ले नेपाली क्रिकेटरद्वय मेहबुब आलम र मोहम्मद आदिल अन्सारीलाई पक्राउ गरी अनुसन्धान जारी राखेको छ । अन्य खेलाडीमाथि निगरानी जारी रहेकाे पनी सीआईबीले जनाएकाे छ । सेभेन थ्रीका मालिक सो अभियोगमा फरार सूचीमा परेका छन् ।