रास्वपाका सांसद प्रतिनिधिसभाको बैठकमा अनुपस्थित

२२ माघ, काठमाडौं । आइबारको प्रतिनिधिसभा बैठकमा राष्ट्रिय स्वतन्त्र पार्टी (रास्वपा)का सांसदहरू अनुपस्थित रहेका छन् । सरकारमा रहने नि नरहने भन्नेबारे निर्णय केन्द्रीय समिति र संसदीय दलको बैठक चलिरहेका काण्रण संसद् बैठकमा सहभागी नभएको रास्वपाले जनाएको छ ।

आजको पार्टी बैठकबाट सरकारमा रहने वा छाड्ने विषयमा निर्णय गरिने बताइएको छ । बैठक शनिबार राति पनि बसेको थियो । तर, बिनानिष्कर्ष टुंगिएको थियो । बैठकपछि पत्रकार सम्मेलन गर्ने बताइएको छ । अहिले बैठक जारीछ ।

गएको बिहीबार बसेको रास्वपाको बैठकबाट सरकारलाई दुई दिनको समयसीमा दिइएको थियो । त्यति बेला गृह मन्त्रालय पुनः आफैँले पाउनुपर्ने अडान कायम राखिएको थियो । सभापति रवि लामिछानेलाई पुनः उपप्रधानसहित गृहमन्त्री बनाउनुपर्ने ‘अल्टिमेटम’ दिइएको थियो ।