टुहुरा बालिका बलात्कारका आरोपीलाई कारबाहीको माग गर्दै विद्यार्थी आन्दोलित

२३ माघ, महेन्द्रनगर । अनाथालयमा आश्रय लिइरहेकी टुहुरा बालिकाहरुमाथि बलात्कार गरेको आरोपमा पक्राउ परेका एक अनाथालय प्रमुखमाथि कडा कारबाहीको माग गर्दै महेन्द्गर बजारमा विद्यार्थीहरुले विरोध प्रदर्शन गरेका छन् ।

सोमबार बिहान भएको प्रदर्शनमा सयौं संख्यामा छात्र छात्रा सहभागी थिए । उनीहरुले ‘सरकार के हेर्दै, बलात्कारीहरु देश घेर्दै’ जस्ता नारा लेखिएको प्लेकार्ड सहित सडकमा उत्रिएका थिए ।

प्रहरीले कञ्चनपुरको महेन्द्रनगरस्थित समाज कल्याण अञ्चल बाल अनाथालयमा नाबालिकमाथि बलात्कार गरेको आरोपमा अनाथालयका कार्यालय प्रमुख शङ्करबहादुर चन्दलाई १७ गते पक्राउ गरी अनुसन्धान जारी राखेको छ ।

चन्दमाथि दुई भिन्न अनाथालयमा रहेकी १४ वषर््िकी दुई बालिकामाथि बलात्कार गरेको आरोप छ । आरोपमा चन्दलाई कार्यालयबाटै पक्राउ गरिएको थियो ।