गृहसहित पाँच मन्त्रालय मन्त्रीविहिन, कार्यभार प्रधानमन्त्रीले सम्हाल्ने

२३ माघ, काठमाडौं । प्रधानमन्त्री पुष्पकमल दाहाल प्रचण्डले गृहसहितक पाँच मन्त्रालय आफैसँग राखेका छन् । प्रधानमन्त्रीले मन्त्रालय ओगटेर राख्दा विकास योजना लगायतका काम प्रभावित हुने गर्छन् । सरकारबाट बाहिरिएको राष्ट्रिय स्वतन्त्र पार्टीका दुई मन्त्रीले राजीनामा दिएपछि रिक्त भएका दुई मन्त्रालयको जिम्मेवारी पनि प्रधानमन्त्री आफैले सम्हाल्ने भएका छन् ।

रास्वपाबाट मन्त्री बनेका शिशिर खनाल, डोल प्रसाद अर्याल र तोसिमा कार्कीले आइतबार प्रधानमन्त्री समक्ष राजीनामा बुझाएका थिए । यसअघि सर्वोच्चको फैसलाअनुसार उपप्रधान तथा गृहमन्त्री रवि लामिछानेको पद गएर मन्त्रालय खााली भएको थियो उक्त मन्त्रालय पनि प्र्धानमन्त्री प्रचण्ड आपफैले राखेका छन् । युवा तथाा खेलकुद र बन मन्त्रालयमा सुरु देखिनै मन्त्री नियुक्त गरिएको छैन । यी मन्त्रालय पनि प्रधानमन्त्री आफैले राखेका छन् ।

गृहपछि रिक्त रहेको शिक्षा, विज्ञान तथा प्रविधि मन्त्रालय र श्रम, रोजगार तथा सामाजिक सुरक्षा मन्त्रालयको जिम्मेवारी प्रधानमन्त्रीले नै सम्हाल्ने भएका हुन् । उनीहरूको राजीनामा आएको भोलिपल्ट सोमबार प्रधानमन्त्री प्रचण्डको सिफारिसमा राष्ट्रपति विद्यादेवी भण्डारीले ती मन्त्रालय प्रधानमन्त्री पुष्पकमल दाहाल प्रचण्डले सम्हाल्ने गरी तोकेकी हुन् ।

यसअघि रास्वपाका सभापति रवि लामिछाने गृह मन्त्रालयबाट पदच्युत भएपछि पनि गृह मन्त्रालय प्रधानमन्त्री दाहालको मातहतमा रहँदै आएको छ । दाहाल नेतृत्वको सरकारमा एक राज्यमन्त्रीसहित ३ मन्त्रालय पाएको रास्वपा सरकारलाई दिएको समर्थन कायम राख्दै आइतबार सरकारबाट बाहिरिएको छ । रिक्त मन्त्रालयमा तत्काल ति मन्त्रालयमा मन्त्री नियुक्ति गर्ने अवस्था पनि देखिएको छैन् । प्रधानमन्त्री नेकपा समाजवादी र जनता समाजवादीलाई सरकारमा ल्याउने प्रयासमा रहेपनि एमाले अध्यक्ष ओली यसको विपक्षमा देखिएका छन् ।