कारागारमा रहेका अरुण चौधरीको रिटमा उच्च अदालतले दियाे कारण देखाउ आदेश

२३ माघ, काठमाडाैं ।  कैलाली जिल्ला अदालतको फैसलाअनुसार जेल चलान भएका नागरिक उन्मुक्ति पार्टीका संघीय सांसद अरुणकुमार चौधरीको तर्फबाट दायर रिट निवेदनमा उच्च अदालत दिपायलले कारण देखाउ आदेश जारी गरेको छ ।

न्यायाधीश अर्जुनप्रसाद कोइरालाको एकल इजलासले चौधरीलाई जेल चलान गर्नुको कारणसहित जवाफ दिन विपक्षी कैलाली जिल्ला अदालत समेतका नाममा आदेश जारी गरेको हो । साथै रिट जारी हुनु पर्ने वा नपर्नेबारे छलफल गर्न दुवै पक्षलाई बोलाउने आदेश पनि दिएको छ ।

२०६६ भदौ ३ मा स्थानीय व्यवसायी महादेव बजगाईंको ट्र्याक्टरमा आगजनी गरेको कसुरमा जिल्ला अदालतबाट २०७० वैशाख ९ गते दोषी ठहर भई ३ वर्ष कैद र ८ लाख रुपैयाँ क्षतिपूर्ति भराउन फैसला भएको थियो ।

फैसला हुनुपहिले देखिनै फरार रहँदै आएका चौधरीलाई गत हप्ता मात्र बाँकेको कोहलपुरबाट पक्राउ गरी फैसला कार्यान्वयनका लागि कैलीली कारागारमामा पठाइएको थियो ।

त्यसपछि उनले वारेसमार्फत जिल्ला अदालतको फैसला बदर गर्दै आफूलाई रिहा गरिनुपर्ने मागदाबीसहित उच्च अदालत दिपायलयमा पुनरावलोकन निवेदन दिएको थियो ।

प्रहरीको फरार प्रतिवादी सूचीमा रहेकै अवस्थामा चौधरी गएको मंसिर ४ मा भएको प्रिितनिधिसभा निर्वाचनमा कैलाली क्षेत्र नम्बर २ बाट प्रतिनिधिसभा सदस्यमा निर्वाचित भएका थिए ।

जिल्ला अदालतले आगगजनी घटनामा चौधरीसहित पर्शुराम चौधरी र वीरबहादुर चौधरीलाई कैलाली जिल्ला अदालतले बिगोसहित ६ महिना कैदको फैसला सुनाएको थियो ।