प्रधानमन्त्री प्रचण्ड बालकोटमा,मन्त्रिपरिषद् विस्तार र सत्ता गठबन्धनमा दल थप्नेबारे छलफल

२५ माघ, काठमाडौं । सत्ता समीकरणमा देखिएको असहजता र बाँकीरहेका मन्त्रालयमा मन्त्री थप्नेबारे छलफल गर्न प्रधानमन्त्री पुष्पकमल दाहाल प्रचण्ड नेकपा एमालेका अध्यक्ष केपी शर्मा ओलीको निवास बालकोट पुगेका छन् । प्रधानमन्त्री प्रचण्ड बुधबार विहान ओलीसँग छलफल गर्न बालकोट पुगेका हुन् ।

मन्त्रिपरिषद् विस्तार र राष्ट्रपति निर्वाचन लगायतका विषयमा प्रधानमन्त्री प्रचण्ड र एमाले अध्यक्ष ओलीबीच बंगलबार पनि प्रधानमन्त्रीको सरकारी निवास बालुवाटारमा छलफल भएको थियो । ओलीको बालकोटस्थित निवासमा जारी भेटवार्तामा समसामयिक राजनीतिक परिस्थिति, राष्ट्रपति निर्वाचन, मन्त्रिपरिषद्लाई पूर्णता दिने लगायतका विषयमा छलफल भइरहेको बताइएको छ ।

राष्ट्रिय स्वतन्त्र पार्टीले सरकार छाडेपछि अहलिे पाँच मन्त्रालय खाली छन् । प्रधानमन्त्री प्रचण्ड सत्ता गठबन्धनमा नेकपा एकीकृत समाजवादीलाई पनि समाबेश गराउन चाहिरहेका छन् । तर, ओलीले माधव नेपाल नेतृत्वको एकीकृत समाजवादीलाई गठबन्धनमा सहभागी गराएर मन्त्री बनाउने कुरामा असहमति राख्दै आएको छ । जनता समाजावादी पार्टी पनि उििचत मन्त्रालय नपाएर सरकरामा सहभागी भएको छैन् । उसलाई पनि सरकारमा ल्याएर मन्त्रिपरिषद् विस्तार गर्ने मनस्थितिमा प्रधानमन्त्री रहेका छन् ।