सांसदहरुको मोबाइलमा राष्ट्रपति कार्यालयबाट रात्रीभोजको निम्तो

२५ माघ, काठमाडौं । राष्ट्रपति विद्यादेवी भण्डारी कार्यकाल सकिन लाग्दा बृहत भोजको आयोजना गर्न लागेकी छन् । माघ २८ गते दिनको ३ बजेदेखि राष्ट्रपतिको कार्यलय शीतलनिवासमा रात्रीभोजको आयोजना गरिएको छ । भोजमा कार्यपालिका, न्यायपालिका र व्यवस्थापिका सम्बद्ध र कर्मचारी संयन्त्रका उच्च अधिकारीहरुलाई निम्ता पठाइएको छ ।

राष्ट्रपति भण्डारीले माघ २८ गते ३ बजे राष्ट्रपति कार्यालय शितल निवासमा रात्रीभोजको आयोजना गर्ने खबर सांसदहरुका मोबाइल मोबाइलमा पुगेको छ । संघीय संसदका सांसदहरुलाई भण्डारीले भोजका लागि मोबाइल म्यासेजमार्फत निम्तो दिएको बताइएको छ । राष्ट्रपतिले आयोजना गर्ने उक्त रात्रि भोजमा उपराष्ट्रपति, प्रधानमन्त्री, मन्त्रीहरु, संबैधानिक निकायका उच्च अधिकारी, कुटनीतिक नियोगका पमुखहरु र उच्च सरकार कर्मचारीहरुको उपस्थित रहने बताइएको छ ।

आगमी २७ गते संघीय संसद प्रतिनिधिसभा र राष्ट्रिय सभाका सांसदहरुलाई संयुक्त सम्बोधन गरेको भोलीपल्ट राष्ट्रपति भण्डारीले रात्रीभोजको आयोजना गर्न लागेकी हुन । नेपालको संविधानले दुई पटकभन्दा राष्ट्रपति हुन नसक्ने जनाएपछि यसलाई बिदाई भोजको रुपमा हेरिएको छ । निर्वाचन आयोगले २५ फागुनमा राष्ट्रपति निर्वाचनको घोषणा गरिसकेको छ । जसअनुसार मुलुकले राष्ट्रपतिमा तेस्रो नयाँ अनुहार पाउनेछ ।