मुख्यमन्त्री रावलले मागे विश्वासको मत

२६ माघ, धनगढी । सुदूरपश्चिम प्रदेशका मुख्यमन्त्री राजेन्द्र सिंह रावलले प्रदेशसभाको बैठकमा विश्वासको मत मागेका छन् । तोकिएभन्दा ३ घण्टा ढिला बिहीबार दिउँसो ४ बजे सुरु भएको बैठकमा उनले मुख्यमन्त्रीमा विश्वासको मत मागेका हुन् ।

उनलाई मुख्यमन्त्री नियुक्तिका बेला समर्थन पाएका नागरिक उन्मुक्ति पार्टीले भने विश्वासको मत नदिने भएको छ । नागरिक उन्मुक्तिको उपस्थितिबिनै बैठक सुरु भएको छ ।

संवैधानिक व्यवस्था अनुसार रावलले विश्वासको मत लिने दिन आज अन्तिम दिन हो । उनले विश्वासको मत पाउन नसके उनी स्वतः पदमुक्त हुन्छन् । उनलाई पद जोगाउन २७ मत आवश्यक पर्छ ।

मुख्यमन्त्री नियुक्त हुँदा नागरिक उन्मुक्तिका ७ जनासहित २९ मत पाएका उनले आज भने नागरिक उन्मुक्तिको ७ मत नआउने निश्चित भएको छ । प्रदेश सभामा ५३ सदस्य छन् । नाउपाले विश्वासकाे मत लिने प्रस्तावकाे पक्ष वा विपक्ष कुनैकाे पक्ष नलिने अडान लिएकाे छ ।