विवेकशील साझाको नेतृत्वका लागि तीन जनाको दावी

२७ माघ, काठमाडौं । विवाद र फुटले थलिएको विवेकशील साझा पार्टीको पहिलो महाधिवेशन आजवाट सुरू भएको छ । काठमाडौंको कमलादीस्थित नेपाल प्रज्ञा प्रतिष्ठानमा शुक्रबार बिहानदेखि महाधिवेशन सुरु भएको हो । विवेकशील केशव दाहालको नेतृत्वमा पाँच सदस्यीय निर्वाचन समिति बनाएर महाधिवेशनमा होमिएको हो ।

महाधिवेसनको राजनीतिक दस्तावेजका लागि केशव दाहाल तथा प्रस्तावित बिद्यानका लागि रमेश पौडेलले प्रस्ताव पेश गर्ने बताइएको छ । महाधिवेसन पछि विवेकशिल बहुपदीय प्रणालीमा जाने भएको छ । महाधिवेशनमा देशभरबाट करिब एक हजार जना महाधिवेशन प्रतिनिधि सहभागी हुने बताइएको छ । साझा पार्टीको प्रथम महाधिवेसनमा नेतृत्वका लागि तीन जनाले आकंक्षा राखेका छन् ।

नेताहरु समिक्षा बाँस्कोटा, प्रकाशचन्द परियार र मिलन पाण्डेले भावी नेतृत्वको लागि दावी गरेका छन् । तीनै जनाले भावी अध्यक्षका लागि महाधिवेसन प्रतिनिधिसँग मत माग्ने कार्य सुरु गरिसकेका छन । अध्यक्षका लागि अहिलेसम्म तीनजनाको नाम आएको नेता मिलन पाण्डेले जानकारी दिए । शनिवारसम्म चल्ने महाधिवेसनले नयाँ नेतृत्वसमेत चयन गर्नेछ ।

सो पार्टीका पुर्व अध्यक्ष रविन्द्र मिश्रले ‘बिचार भन्दा माथी देश’ भन्ने फरक प्रतिवेदन पेश गरे पछि बिबेकशिल पार्टी छिन्न भिन्नको अवस्थामा पुगेको थियो । मिश्रका कारण राजनीतिक गतिबिधि लगभग शुन्यमा पुगेको सो पार्टीले महाधिवेसन गरेर नयाँ रुप लिन लागेको हो ।