सनराइज फोकस्ड फन्डको इकाइहरुको बाँडफाँट

२७ माघ, काठमाडौं । सनराइज फोकस्ड फन्डको इकाइहरुको बाँडफाँट भएको छ। सनराइज सामूहिक लगानी कोष अन्तर्गत सञ्चालन हुने ‘सनराइज फोकस्ड इक्वीटी फन्ड’ स्कीमको शुक्रबार बाँडफाँट गरिएको हो।

योजना व्यवस्थापक सनराइज क्यापिटलले यो योजनामा माघ १० बाट २० गतेसम्म इकाइ बिक्रीका लागि आवेदन खुलाएको थियो। सर्वसाधारणका लागि १० करोड २० लाख इकाई निष्कासन गरिएकोमा निर्धारित अवधिमा खरिदका लागि रितपूर्वक २९ हजार ९ सय ३ जनाको आवेदन परेको थियो।

धितोपत्र निष्कासन तथा बाँडफाँड निर्देशिका २०७४ बमोजिम इकाइहरु बाँडफाँट गरिएको क्यापिटलले जनाएको छ। यो सँगै यस आयोजनाको आकार १ अर्ब कायम भएको छ।

बाँटफाँट सम्बन्धी विवरण धितोपत्र निष्कासन तथा बिक्री प्रबन्धकको वेबसाइट तथा सीडीएस एण्ड क्लियरिङ लिमिटेडबाट हेर्न सकिने जनाइएको छ। बन्दमुखी सामूहिक लगानीको यो योजनाको कोष प्रवर्द्धक सनराइज बैंक छ।