संविधानले नचिनेको जनयुद्ध दिवसप्रति कोइरालाले उठाए प्रश्न ?

१ फागुन, काडमाडौं । नेपाली कांग्रेसका नेता शेखर कोइरालाले संविधानले नचिनेको जनयुद्ध दिवसका नाममा राष्ट्रिय विदा दिएर प्रधानमन्त्री प्रचण्डले गलत संस्कारको विकास गरेको बताएका छन् । उनले फागुन १ गतेलाई जनयुद्ध दिवस भनेर प्रधानमन्त्री प्रचण्डले सरकारमार्फत कस्तो सन्देश दिन खोजेको हो भन्दै प्रश्न उठाएका छन । कोइरालको भनाइमा यसले देश र जनतामा राम्रो संन्देश गएको छैन् ।

२०५२ सालको फागुन १ नेकपा माओवादीले सशस्त्र जनयुद्ध घोषण गरेको थियो । १० वर्षसम्म चलेको युद्धमा १७ हजारभन्दा बढी मानिस मारिएका थिए । बेपत्ताहरुको अहिलेसम्म खोजि भएको छैन । सत्यनिरुपण तथा मेलमिलाप आयोग बनाएपनि त्यसले कुने काम गर्न सकेको छैन् भने शान्ति प्रक्रियाले समेत पुर्ण नपाएको अवस्थामा जनयुद्ध दिवस भनेर सरकारले राष्ट्रिय रुपमा विदा घोषण गरेपछि यसको चौतर्फि आलो चना भइरहेको छ ।

कोइरालाले समापजक सञ्जालमा ट्वीटरमा लेखेका छन्, ‘एकातिर स्वयं प्रधानमन्त्री सार्वजनिक बिदा कटौती गरौं भन्दै हुनुहुन्छ तर एकाएक आएर सरकारले संबिधानले चिन्दै नचिनेको जनयुद्ध दिवसका नाममा सार्वजनिक बिदा दिने घोषणा गरेको छ । आम नेपाली जनतासामु सरकारले के सन्देश दिन खोजेको ? देश कता जाँदैछ ? कस्तो शासान व्यवस्थाको अभ्यास गर्न खोजिदैछ ?।’ उनले सरकारको यो निर्णय आचोच्य भएको बताएका छन् । जनयुद्ध दिवसको अवसरमा सरकारले आज देशब्यापी सार्बजनिक बिदा दिने निर्णय गरेको छ ।